你遇過最笨柒嘅人有幾笨柒？
我同事阿輝，無厘頭問我今晚一唔一齊食buffet？兩個人……
我：「兩條麻甩佬食乜L嘢buffet呀？」
阿輝：「唔好嘥吖嘛！早排喺交友App識咗條女，佢話拍拖會以結婚做大前提，叫我影張糧單畀佢睇，影咗先肯出嚟食飯，話唔想再遇到渣男喎！」
我：「溝女啫阿輝，唔使show糧單嘅，你唔係咁L笨柒真係影呀？」
阿輝：「影咗呀，send埋喇！個女仔仲話糧單可以偽造，叫我將份糧轉去佢戶口一個禮拜先至信。」
我：「你過咗呀？」
阿輝：「冇，當我傻咩！但我一早book咗buffet，網上畀晒錢，而家冇人同我食。」
就算冇過數，你send張糧單畀對方都已經夠晒笨柒啦！有晒公司名又盛，都唔知有冇手尾跟，自己去食buffet反省下啦！