如無意外，我細佬6月就會正式移居日本，真係好唔捨得佢，畢竟我哋兩兄弟唔止糖黐豆，仲曾經有3份工係一齊共事。 細個一齊住嗰陣，真係有好多瘋狂嘅回憶，就算後來搬咗出嚟，我哋依然見得好密，而家即使搬咗入屯門，我都係keep返荃灣搵佢，好難想像佢結婚之後住東京會點？心態上好想佢快啲生個港日混血B出嚟，同時又知道佢做咗人爸爸之後，會更少時間同我聯繫。
本身以為自己會去台灣展開新生活，但因為武漢肺炎嘅緣故，好多嘢都要推倒重來，嚟緊嘅路會點行真係未知，愈諗就愈感慨。 不過作為大哥，睇到細佬搵到屬於自己嘅幸福，可以組織一個家庭，始終都係替佢開心嘅。 當日畀我噴到成身都係屎嘅細佬已經長大喇，希望佢第日唔會將呢段經歷同返啲仔女講啦！今集YouTube介紹我細佬同埋弟婦畀大家認識。