有日一位先生睇完醫生。
佢喺拎藥時望望張收據：「我要收據喎」
我：「呢張咪係收據囉」
佢：「300蚊嘅收據呀？」
我：「300蚊係診金同藥費」
佢：「我claim唔到咁多喎你寫到咁」
我：「我哋係一張收據咁寫呀」
佢：「得一張收據咋咩你？咁廢？」
廢得過你份保險300蚊都claim唔到？
我：「我意思係睇一次醫生收一次錢只可以寫到一張收據」
佢：「嗰300蚊我而家分兩次俾你囉，300分兩次即係每次俾幾多呀？」
150呀聰明。
我：「我哋都係今日收你300㗎嘛，張收據都係寫300㗎」
佢：「今日唔得呀？聽日呀，好簡單啫，你今日寫一張俾我，聽日寫一張俾我咪得囉，300分兩日俾今日俾幾多呀？」
150呀醒目。
我：「唔好意思呀，我哋醫生即日埋數唔會咁樣分單寫呀」
佢：「我之前去其他又得？」
咁點解你唔去之前嗰間呀？你做咩要變心搵自己麻煩呀？
我：「其他診所嘅做法係點唔代表我哋得呀嘛，我哋醫生真係唔會分單寫」
佢：「咁你張收據一張300蚊，我claim唔足㗎喎，你俾返我呀？」
你應該去買份claim得足嘅保險？
我：「今次真係幫唔到你…」
佢：「下次就得呀？」
我：「下次你去返之前嘅診所睇咪可以咁寫囉，你頭先話之前嘅診所可以呀嘛」
佢：「咁都得呀？今次你完全唔駛負責任呀？」
我負責任咗啦，喺度同你耍咗咁耐。
我：「收據上…我真係冇嘢幫到你，醫生唔咁樣寫我都冇辦法，而且真係收你一次300蚊嘛」
佢：「其他又得？我真係入著間黑店嚟睇，真係唔好彩」
佢終於肯俾錢終於走得。
–
👉🏻《診所低能奇觀》埋數關你咩事 https://hkofficedaily.com/?p=15258
👉🏻 《診所低能奇觀》工作時間自己分配 做愛做的事 https://hkofficedaily.com/?p=15353
我叫珍寶豬，係一個診所助護，只係一個無能無專業資格無牌照的大嬸。做過晒港九新界中西醫診所，見盡低能白痴暴力感動可悲可笑之人生百態。亦歡迎各在職離職姑娘護士醫生分享診所醫院內的奇趣事窩心事爆笑事，但請勿公開任何病人個人資料或病人相片。看此PAGE時請勿對號入座，信則有，不信則無。