電話響起～
我：「你好，乜乜診所」
對方係一位先生：「喂？診所？」
我：「係呀，請講」
佢：「我有舊肉特別硬駛唔駛嚟睇醫生呀？」
硬得嚟唔舒服嘅咪嚟睇囉？咁都要打嚟問？
我：「覺得有唔舒服有唔妥嘅可以嚟俾醫生睇吓先呀」
佢：「硬係唔正常㗎咩？」
我：「我喺電話度答你唔到，你要嚟俾醫生睇睇㗎」
佢：「佢有時硬有時唔硬㗎喎，一陣嚟到睇嗰陣唔硬話我冇事，我返到屋企又硬過咁點呀？」
咁神奇？
我：「都要同醫生講，都要睇次醫生先嘅，我喺電話度都答唔到你啲咩，我又唔係醫生，係咪？」
佢：「我仲諗住打嚟問吓係咪硬就要睇醫生嘛」
我咪講咗幾次叫你嚟睇醫生囉，仲諗咩？
我：「你有需要就過嚟睇醫生啦，我哋今晚收八點呀」
佢：「我唔知我幾點先會係最硬嗰陣喎」
我：「你自己決定啦，我哋收八點，你八點前嚟到登記就得㗎啦」
佢：「嗱，而家好硬㗎」
咁咪嚟囉仆街。
我：「先生，你要嚟睇醫生就嚟登記，我冇辦法喺電話度同你傾咁耐，冇其他嘢嘅話，我收線㗎啦」
佢：「駛唔駛呀？同你講幾句有寶咩？你聽得電話就係要答人問題㗎啦，唔通個個打親嚟都係叫佢嚟睇醫生咩？」
我：「係呀，個個打嚟我都係叫佢有需要就嚟睇醫生㗎，我又唔係醫生，冇資格去分析你哋嘅健康問題，你有唔舒服有唔問就直接嚟睇醫生問醫生，唔好問我，我答到你嘅話我就唔駛喺度聽你電話。」
佢：「…」
佢靜咗陣就自己收咗我線。唔係好硬咩？嚟睇醫生啦！
－
👉🏻即睇其他診所低能奇觀嘅文章
我叫珍寶豬，係一個診所助護，只係一個無能無專業資格無牌照的大嬸。做過晒港九新界中西醫診所，見盡低能白痴暴力感動可悲可笑之人生百態。亦歡迎各在職離職姑娘護士醫生分享診所醫院內的奇趣事窩心事爆笑事，但請勿公開任何病人個人資料或病人相片。看此PAGE時請勿對號入座，信則有，不信則無。