就好似電影情節一樣，有次喺office跌咗疊文件落地下，嗰位心儀嘅男同事烏低身同我一齊執，期間有一下唔覺意掂到佢隻手，然後大家四目交投，我本來好enjoy呢個moment，但係佢望咗我兩秒之後講咗句：「屌你呀！」
嚴禁轉載聲明：本網站所存在的一切知識產權，屬於我們所有，或已合法地特許給我們在本網站上使用。由適用法例所授予的一切權利，茲在此予以保留。除我們給予特許外，閣下不得以任何形式及方式，創立衍生作品、下載、翻印、複製，或節錄我們的故事內容放在其他網站圖利。
又有一次買早餐返公司，我知佢鍾意食午餐肉，所以我扮唔想食，將自己份餐蛋治裡面嘅餐肉畀咗佢，最後又換嚟一段不解風情嘅說話：「咁L戇鳩嘅你？唔食餐肉又嗌餐蛋治，即係點呀，想人哋攝塊餐肉喺麵包中間吊一吊味呀？」
試過同呢個男同事Happy Hour，我趁有幾分酒意搭住佢膊頭講：「好在有你咋，如果唔係識到你，我應該一早辭咗職。」然後佢又搭返我膊頭：「呢間垃圾公司，辭職係應該，唔辭職就悲哀，我都搵緊工，咪L講衰嘢啦，同我飲L晒佢，糧尾窄窄地，呢餐你畀得唔得？」
雖然呢位男同事粗口爛舌，但鍾意就係鍾意，啱啱做呢間公司嗰陣有個old seafood成日恰我，有次仲將隻鑊卸咗落嚟，估唔到呢個男同事會為我出聲，當時佢兜口兜面寸old seafood：「自己做返咪唔會錯囉，請佢返嚟唔係做你私人助理㗎！佢出埋你份糧好冇？」
除咗工作上嘅幫忙，其實呢位男同事都係高大靚仔，佢有玩開健身，試問邊個唔係外貌協會會長吖！我發現有唔少女同事偷望佢添啦！
一語成讖，個男同事早兩個月真係搵到工辭職，其實暗示我試過，明示都做唔到咁多，上次扮醉講到出口咁滯，結果畀佢摷開咗個話題去數公司啲衰嘢，成個mood轉晒，仲諗住趁嗰晚大膽啲親口講。
Last day嗰日我送咗份禮物畀佢，袋裡面仲有張卡，用半講笑形式話想佢做我男朋友，冇諗過佢竟然擺低咗喺枱底唔記得拎走……
我即刻WhatsApp佢：「喂！你留低咗份禮物喎，去到邊呀？我拎落嚟畀你吖！」
「哎呀！唔緊要，你幫我keep住先，下次食飯拎返，我上咗的士喇，好L多嘢拎呀！」
我：「唔係呀，最重要係張卡，寫咗啲嘢畀你喎！」
「咁L肉麻？得啦！擺住喺你度先，再約！」
我有啲唔開心，但希望豁出去，因為大家已經唔係同事，就算被拒絕都好，而家都冇咁尷尬，何況唔係一齊做嘢自然好難約，我寧願試過唔得，都唔希望一直猜度冇答案。
結果我影咗張卡嘅內頁，裡面簡單寫咗句想同佢一齊，我唔敢寫太多，怕寫多錯多。
WhatsApp send咗張相畀佢，直至第二日先收到回覆，佢打咗4隻字同兩個標點符號回應：「屌，玩嘢咩！」
我覺得佢呢個回覆模稜兩可，所以想進取啲同佢講清楚：「你可唔可以溫柔啲呀？發覺你係對住我先至句句有粗口咋喎！鬧個old seafood你都唔會加粗口，仲記唔記得有次執文件掂到你隻手？大家本來好地地有眼神交流，你就一句車埋嚟話『屌你咩』，你係咪人哋講嗰種直男？」
「梗係啦，我直過直通車，大家男人老狗掂到隻手，屌你都畀面啦，如果嗰陣你唔係新人，我直頭打鳩你添呀！講笑啫，絕對支持你嘅性取向，我身邊都有friend係gay，有機會介紹畀你識，大家做兄弟做朋友咪幾好，喂你收返埋份禮物同張卡先，費事一陣畀公司班友仔見到。」
男同事已經直接拒絕咗我喇，好在唔係當面講，我仲可以消化下諗諗點覆佢。
不過我都未諗到點覆，佢又send多個message過嚟，好似想再補充：「我唔止鍾意女人，仲好L咸濕㗎！喂，再約再約，有嘢忙緊！」
再約再約，其實佢點會再赴約吖，咁我都好識做嘅，絕對唔會死纏爛打。
我估佢一早feel到，就算執文件嗰次未估到，醉醉地搭佢膊頭嗰次都肯定get到，佢平時同其他同事正常傾計好少爆粗，係對住我先故意句句加粗口，我反而認為佢係想令個氣氛冇咁尷尬。
雖然男同事say no，但我仍然覺得last day表白係正確，反正都要知結果，有答案總好過一味靠估，同埋呢位男同事喺工作上的確幫過我好多，講真佢應該驚咗再見面㗎喇，唔緊要啦，祝福佢新工作順順利利！（完）
HR用WhatsApp示愛狂追求職者
https://hkofficedaily.com/?p=14219