上年12月中去interview，聖誕前confirm我2024年1月返工，間公司雖然好大，但呢個部門係新成立，職位都係新嘅。
1月返工學咗好多嘢，無奈佢哋有內部鬥爭問題，我呢個新成立部門遲遲未獲批budget再請人，個team head似乎心有不甘，又驚連我個position都cut埋，結果佢畀我提早過試用期，表面係so我，實際係同公司鬥氣。
2月農曆新年，公司放埋初七先開工，呢個月本身已經得29日，所以加加埋埋返得3個星期。
2月底，team head喺公司嘅權力鬥爭中失勢，佢份工冇事，但本身交畀佢in charge嘅新project同新部門決定唔搞，team head話努力爭取我轉department，要少少時間同老細傾，叫我hea住先唔好辭職。
結果我由2月底至3月完全冇嘢做，日日數手指已經心知不妙，唯有keep住send CV搵新工。
上星期team head同我講唔好意思，新部門正式褶埋，同老細又冇共識，但因為我之前提早過咗試用期，所以有得賠一個月人工兼即走。
其實由1月至上星期last day，我真正返工嘅日子夾埋先得兩個月零一個禮拜（計落手落腳做嘢就更少），不過前後袋咗3個半月人工離場（仲有開工利是+同事利是total差唔多1000），雖然新工未有著落，但我覺得成個過程好抵玩。