諗今晚食乜餸係好傷腦筋。
要幾碟餸差唔多同一時間上枱，又唔會有一啲係凍咗，真係唔容易。
屋企煮飯未必平過出街食，仲未計時間呢個cost。
終於明點解細個畀人恐嚇：「食剩啲飯，第日你老婆／老公就會豆皮。」因為食剩啲飯黐住個碗，執碗洗碗真係好麻煩。
油，係好仆街嘅嘢，佢會追住你個身嚟彈。
洗碗好煎熬。
有人讚過一次就不斷重複煮，其實係人之常情。
煮熟晒佢同埋煮得好食係兩碼子嘅事。
以為容易煮同埋成日食到嘅嘢，烹調起上嚟其實好有學問。
原來煮完飯成身汗真係會唔想食飯。
如果將來我煮好晒飯，啲仔女最後一分鐘先話唔返嚟食，我會殺L咗佢哋。
如果將來我煮好晒飯，班蛋散冇人幫手開枱，又要三催四請先埋位，我會殺L死晒佢哋。
最後，食我煮嘅飯，未來老婆份保險嘅保額一定唔可以細，受益人最好寫咗我個名先。