阿Don係我嘅candidate，之前介紹咗佢入一間公司，個上司勁鍾意佢，俾咗好多機會，所以阿Don好多謝我，覺得未來充滿希望，相隔4個月後，佢話我知上司辭咗職，新嚟嘅主管好憎佢，係咁搞小動作……
唔知講乜好，但人生就係好多嘢預計唔到，阿Don都係呻下啫，咪同佢傾下計畀啲安慰囉！
另一邊廂，我個friend失戀，佢話個男仔畀咗好多希望佢，無論係做人定返工都變得有目標，仲諗過將來一齊生活，點知最後都散咗。
我明白佢兩個好慘，所以幾忙都盡量覆佢哋msg，打咗句畀阿Don：「做人係咁㗎喇！有啲人令你對將來充滿期盼，但佢冇再出現喺你嘅將來。」
然後失戀個friend回我：「就係呢種感覺呀！」
唉屌，send錯咗msg畀個女仔friend，唔緊要啦，一樣啫！Copy 完再send畀阿Don，佢回我：「就係呢種感覺呀！你都知呀？」
點止我一個，經歷過嘅人都會知道，有啲人令你對將來充滿期盼，但佢冇再出現喺你嘅將來係一種乜嘢感覺。
不如我唔幫人搵工，轉行做社工，不如我唔寫職埸，寫情場啦！