Shirley：「其實你哋啲男人係咪一定要R賓周呢？」同事冇前文後理直接對住我講。
我：「係……發生咩事？我R賓周畀你見到？」
Shirley：「我問你有咩咁好R呀？」
我：「但係我兩隻手都擺喺枱面，我冇R賓周喎，你咩事？」
原來Shirley噚日同男友返屋企食飯，期間佢男友不自覺地R咗幾下賓周，又咁啱畀Shirley阿媽睇到。
我：「會唔會真係痕呀？不如你同佢睇下醫生啦！」
Shirley：「佢平時已經係咁㗎喇，根本係習慣同本能反應，有時喺佢屋企睇電視，佢唔係R緊㗎，但唔知點解隻手都係摸住自己條賓周，有時同佢行緊街，佢又要伸手去整兩下，話條底褲kick住喎，佢痕唔痕都鍾意摸住條賓周㗎！」
正當我唔知點答之際，另外兩個女同事亂入搭嘴：
「我老公又係呀！」
「我嗰件都有呀，不過冇你男友摸得咁多。」
我msg Kelly問：「我平時有冇R賓周？你有冇見過？」
Kelly：「CLS㗎你！返緊工呀，問埋啲無謂嘢！」
我：「Sorry sorry，你做嘢先。」
至截稿前我都冇答案。
我問Shirley：「咁結論係咩？」
Shirley：「阿媽捉咗我入廚房，叫我返去話下男朋友，大庭廣眾咁樣R好肉酸呀，我阿媽個樣幾嫌棄呀！」
我：「情侶相處之道就係要互相提點，你幫佢改正返啲陋習囉，有冇同佢開心見誠講呀？」
Shirley：「有呀，我叫佢之後唔好再R賓周，阿媽見到話好肉酸。」
我：「你男友ok呀？肯接受？」
Shirley：「佢話下次唔會，不過講呢句嗰陣都係R咗兩下。」
會唔會考慮下搽啲螢光劑落條jer度？一R就成隻手都螢光粉紅，到時自然會識驚㗎啦！