「喂！頭先我見到啲爆嘢！Janice原來幾好身材喎，真係禾稈冚珍珠，平時又著到密密實實咁，睇唔出都幾大㗎喎，起碼有D呀！」聽完Charles講一大輪，我仲係一頭霧水，所以就問返佢：「你噏乜鳩呀？見到啲咩呀？」
嚴禁轉載聲明：本網站所存在的一切知識產權，屬於我們所有，或已合法地特許給我們在本網站上使用。由適用法例所授予的一切權利，茲在此予以保留。除我們給予特許外，閣下不得以任何形式及方式，創立衍生作品、下載、翻印、複製，或節錄我們的故事內容放在其他網站圖利。
原來Janice同班同事講起佢姪女好可愛，喺手提電話show咗張相畀大家睇，Charles接過部機嗰陣手多多，向前向後碌相，所以睇到Janice電話裡面其他照片，而據Charles講，有一張就係Janice半裸上身嘅自拍照。
Charles話自己睇到眼都凸埋，好想「留住這一刻」，而佢亦喺Janice未發現之前碌返去姪女張相度，當咩都睇唔到，只不過Charles事後就周圍唱，我應該唔係第一個聽到佢形容Janice半裸照嘅人。
我：「其實你真係一個仆街，你知唔知隨意碌人哋電話啲相係好冇品？Janice淨係畀一張相你睇，你點解要睇佢之前之後啲相呢？你有冇得到當事人同意呢？而家仲要周圍唱，你份人有冇咁L仆街呀？」
點知Charles唔忿氣，仲要寸返我轉頭：「嘩！Gentleman呀！太平紳士呀！你哋平時唔睇女嘅，唔睇AV嘅，扮咩清高呀？頭先同Simon講又係咁，會唔會你哋老暗Janice，所以突然變晒正人君子呢？有得睇你都想睇啦！頒個十大傑出青年獎畀你哋好唔好？」
我：「你真係唔L知衰㗎喎，睇女睇AV係一回事，而家講緊你睇人哋嘅私隱，Janice冇批准你睇佢電話裡面其他相，你究竟分唔分得清條界線喺邊？」
Charles：「你搞清楚喎，唔係我搶佢電話睇，係佢遞部電話畀我睇，咁佢都冇叫我唔好碌前碌後吖，話唔定Janice就係想畀我睇到呢！點知係咪性暗示呀？」Charles仲試圖將個責任推返去Janice身上，又話「唔想畀人睇到就唔好自拍呢啲相。」
無可否認Janice真係好大意，只係冇理由blame the victim，我自己雖然冇呢啲相，但都唔會立亂畀部電話人哋碌，萬一遇到Charles呢啲咁嘅賤人就麻煩，你仲要喺office呢度講，個個朝見口晚見面，一場同事啫，唔係有仇吖，何必搞到對方咁尷尬呢？其實知道呢單嘢嘅同事都尷尬啦！
好在個個都話Charles冇品，唔止我同Simon兩個，咁我就放心晒喇！不過亦因為咁，呢單嘢好快就一傳十，十傳百（冇咁多，其實公司都係得幾十人啫。）
點都好，聽完冇人覺得好笑，更加冇人再問詳細，Charles嘅口風亦開始轉：「我都唔知大家傳得咁快，最初淨係當笑話咁同幾個friend底同事講，喂你哋日日玩TG都勁多裸照啦！嗰啲咪又係流出，我而家用把口形容咋喎，又唔係偷佢張相send出街！」
後來呢單嘢真係傳返去Janice度，聽講佢衝咗去女廁喊，又話想辭職，不過Janice個阿姐就唔畀佢走，因為覺得自己手提電話有咩相係屬於私隱，何況又唔係做壞事，Janice點計都係受害者。
有幾個人撐Charles嘅，原因係話Janice應該小心啲，自己有呢啲相仲將部電話遞畀人，Charles唔覺意睇到係情有可原，不過都係嗰句啦，睇到同周圍唱已經係兩回事，你可以話Janice抵死，問題係Charles心地都唔好囉！
結果Janice冇辭職，點估到Charles反而resign，佢話喺呢件事之後，office裡面有好多人杯葛佢，對佢態度好差，頂唔順大家企喺道德高地喎！
由始至終Charles都冇同Janice正面道歉，明嘅，如果Charles行埋去搵Janice講對唔住，一來對方未必原諒，二來Janice隔籬左右啲同事肯定鬧爆佢，特別係Janice阿姐，不過無論點樣睇呢件事都好，周圍唱始終係唔啱，我諗就算Charles唔順氣都應該係咁易send個msg同Janice講聲唔好意思，唔知版主同其他網友會覺得Janice都有責任，定係Charles辭職太衝動呢？(完）
令我諗起好耐之前《情侶座》呢個故事，當然性質係好唔同。
https://hkofficedaily.com/?p=14109