細公司，9個人，老細係一個50幾歲嘅女人，佢非常迷信，上個月我哋冇乜生意返，老細竟然覺得係新請返嚟個女同事有問題。「你哋覺唔覺得阿Mill返工之後，有幾單嘢都好唔順利？而且唔止冇大單，連傾緊嗰啲都冇晒下文，阿Mill嚟咗個半月， 公司食白果食足個半月。
嚴禁轉載聲明：本網站所存在的一切知識產權，屬於我們所有，或已合法地特許給我們在本網站上使用。由適用法例所授予的一切權利，茲在此予以保留。除我們給予特許外，閣下不得以任何形式及方式，創立衍生作品、下載、翻印、複製，或節錄我們的故事內容放在其他網站圖利。
其實我初時get錯老細意思，以為佢係話阿Mill工作懶散，又或者係類似做一啲對唔住公司嘅事，不過諗深一層又冇可能吖，首先Mill唔算懶，某程度上都好主動，而且冇咩可能出賣公司，因為Mill太新喇！
我：「都唔係吖，keep住每星期都有幾單新嘢，係冇之前咁熱鬧，不過大環境係咁上下啦！」
老細：「幾單新嘢都好細，反而銀碼大嗰啲冇晒下文，唔係哩，阿Mill腳頭真係麻麻，會唔會係八字唔夾呢？」
哦，原來係講緊呢啲迷信嘢！
老細嘅迷信程度不嬲好誇張，兩隻手戴滿唔同嘅鏈，呢條又話助財運，嗰條又話保健康保平安，公司有好多大大小小嘅盆栽，但買返嚟嘅出發點唔係咩綠化或者鍾意園藝，而係每一盆都為風水格局，所以啲擺位係勁奇怪，然後老細今年係日日著紅色，佢話搵人睇過，2023年紅色利佢喎！
人哋office會擺雜誌或者報紙，我哋office就擺滿晒風水運程書，蘇民峰、麥玲玲、李丞責，仲有李居明等風水師嘅書，你都可以喺度輕易搵到，試過無聊拎起本運程睇兩眼，咁啱畀老細睇到，跟住就畀佢捉咗入房係咁講命理。
老細仲成日話，咪睇佢公司細細，咁樣已經係最好嘅安排，因為師父算過呢個規模最適合，佢條命太多會受唔起，而且師父更加話9字最旺佢，所以office唔可以超過9個人工作，計埋佢自己最perfect係9個人……
我自己其實唔信呢啲嘢，就更加唔知個師父點推算出嚟，咁唔影響到我咪得囉，紅色衫又唔係我著，老細自己著之嘛！
入返正題先，老細講完阿Mill腳頭麻麻，八字唔夾，我哋幾個同事都唔識畀反應，點知老細下一句就係：「我都係炒咗阿Mill喇，一陣同佢講！」
因為我老細係唔識講笑嘅人，所以大家都知道佢係嚟真，咁就梗係嚇親啦！八字唔夾走去炒人？你點同阿Mill講呀？阿Mill又有咩反應呀？
點知…..老細真係叫咗阿Mill入佢間房仔傾……返出嚟嘅時候，兩個人都好冷靜，阿Mill執嘢走。
其實阿Mill做得個半月多啲，同事間感情唔算好深，但我哋都唔想畀佢覺得大家好冷漠，之但係9個人嘅office，你可以想像到唔會大得去邊，想即時慰問即時傾計都唔係咁易，怕氣氛好怪，估唔到係阿Mill自己同我哋講嘢先。
阿Mill：「我走喇，老細話我可能同公司氣場唔夾，影響咗啲生意，頭先你畀我啲嘢做到一半，咁我擺低喺度，交返畀你。」
我：「哦……你ok嘛？」
阿Mill：「咁老細都係坦白啫，寧願佢直接講，費事我估估下，我又唔係特別鍾意份工，問心都想搵間大小小嘅公司。」
我：「好，祝你一切順利啦，見你ok我都唔使太擔心你。」
阿Mill：「ok啦，佢其實可以叫我即走唔賠錢，而家佢當我做夠兩個月，呢個月照出足糧，咁我都賺咗十幾日，希望趁呢段時間搵到新工。」
原來老細係出埋淨低十幾日糧畀Mill，好坦白講出多半個月當賠償又唔係好多，但總好過就咁叫人即走嘅，我都唔知阿Mill係故作鎮定，抑或真係想搵過另一間大公司，既然佢兩個喺房傾掂數，冇爭拗，冇手尾跟，咁就皆大歡喜啦！如果老細成日都有一種阿Mill腳頭唔好嘅諗法，或者阿Mill繼續做落去都唔係好事。
但係最神奇嘅事係，阿Mill大約3點執晒嘢離開公司，然後我哋臨放工嘅時候，有個客email嚟confirm咗張大單，呢張單煲咗好耐，阿客甚至親口講過唔要，突然又急轉彎，有冇咁巧合呀？
我重申，自己真係唔迷信，唔好話風水，我連星座都唔信，不過阿Mill走咗之後幾日，我哋都係keep住有大單返，仲有唔少新客飄入嚟，老細冇講嘢冇自誇，但同事間都覺得有啲邪，唔通真係有人會同公司唔夾，又或者腳頭唔好？其實咁樣唔係好事，如果一個人搵工要計埋呢啲玄學嘢，咁真係好難搵食。(完）
不問學歷 無須經驗 免費睇波 人工8000
https://youtu.be/15mCL4_TaBc