公司有對夫妻檔究竟係一種點嘅體驗呢？Idy同Jimmy呢兩公婆作為同事係完全冇問題，佢兩個效率仲要相當高，所以我今次投稿並唔係投訴佢哋任何唔好嘅地方，只係想講下Idy同Jimmy平日喺office講嘢真係好大膽露骨，我哋其他同事有時係接唔到，令到場面非常尷尬。
嚴禁轉載聲明：本網站所存在的一切知識產權，屬於我們所有，或已合法地特許給我們在本網站上使用。由適用法例所授予的一切權利，茲在此予以保留。除我們給予特許外，閣下不得以任何形式及方式，創立衍生作品、下載、翻印、複製，或節錄我們的故事內容放在其他網站圖利。
Idy：「你哋評下理，好好地做愛咪做愛囉，做乜鬼嘢要睇住鹹片嚟做吖？Jimmy話咁樣high啲喎！我想問下你哋啲男仔，咁樣真係興奮啲？咁你扯旗嗰陣我點知係睇住女主角先硬，定係因為我而硬呀？」呢番說話係lunch講，呢餐lunch……老細都在場。
連老細都唔敢出聲，我哋班同事可以點接？你教我喇！但係Idy並冇因為冇人講嘢而收斂，反而步步進迫。
Idy：「做咩呀？你哋個個男仔都有呢啲嗜好㗎？唔係啩！女同事呢？Anita你講下，如果你條仔話要一路睇鹹片一路做，你接唔接受到。」
嗰位叫Anita嘅女同事面都紅晒，好尷尬咁樣回應：「吓！我唔知喎！」
另一位男同事好心解圍，話Idy咁樣問叫人點答，Idy就再度進迫：「有咩好怕醜啫！搞嘢係生理需要嚟㗎啦！人人都要做㗎喎！話唔鍾意做係呃你㗎啫！」
大家可能會諗，Idy問呢句嘢嘅時候，佢老公Jimmy又做緊咩呢？答案係，Jimmy其實有同枱食飯，但就全程傻笑。
Idy見其他同事咁保守唔敢答，又將矛頭指返向老公Jimmy：「你話你係咪變態吖！正正常常唔得嘅，係要搞咁多嘢！」
Jimmy終於回答：「情趣嚟㗎！你識咩吖！」
以上對話只不過係其中一個例子，平日佢兩公婆喺office真係好爆，有次Jimmy做做下嘢同Idy講：「妖！最衰你係女人啦！如果你係男人，我帶埋你一齊去滾，見識下都好吖嘛！」
Idy當我哋全部人冇到，即刻回佢老公：「如果我係男人，食晒啲女啦！仲會留畀你？我係男人日日去滾呀！幾百蚊一次咁平，有時真係好唔公平，你哋男人叫雞咁平，我哋女人叫鴨就咁貴。」
Jimmy：「你可以去叫鴨㗎！我畀埋錢你去都仲得，大家各有各玩，出去對住啲鴨唔好有真感情就得喇！」
Idy：「痴線！我要搞嘢仲要畀錢人？隻鴨畀返我就差唔多！我唔係唔敢玩，我驚有病咋！好似你哋啲男人咁不負責任呀？」
唔係要扮正經，但係所有人當時都認真做緊嘢嗰陣，你兩公婆可唔可以返屋企先傾呢啲話題呀？
其實睇得出佢兩公婆好熱衷於房事，從另一個角度睇係好恩愛嘅，不過就太open地討論喇，我都曾經喺鬼佬公司做嘢，Idy同Jimmy仲open過啲鬼，特別係Idy，幾乎每日都問大家一個關於性嘅問題，上星期嗰幾條我仲記得：
「Jimmy買咗套校服叫我著住做，我三張嘢喇，師奶嚟㗎！仲叫我扮學生？要我著埋日本妹嗰啲襪，真係接受唔到囉！想問下阿欣同Joey，你哋都有男朋友㗎嘛，佢哋有冇要求角色扮演？」
「聽講肥人Jer短喎！我覺得唔關事囉！Samson！全公司你最肥仔，你自己講，你係咪Jer短。」
「老細你咁有錢，講真有冇諗過包二奶，你之前成日要上去東莞喎，係咪有試過啲咩莞式服務？講嚟聽下啦！我唔會話畀你老婆聽。」
「威少，你同老婆都係40幾吖，而家幾耐先至做一次呀？聽講好多人結婚耐咗都係分房瞓，你哋有冇呀？我唔得㗎！如果Jimmy話分房瞓，我同佢離婚都似。」
真係句句入肉，次次露骨，被問嘅人全部都呆晒無言以對，咁你哋明白平日返工係幾咁尷尬啦！
Jimmy就好啲嘅，平時唔會主動講，真係老婆Idy講起先至笑住答幾句，例如肥人Jer短嗰次，Jimmy無啦啦加多句：「肥人Jer短係必然嘅道理，肥婆冇波就唔L好去死。」
Hello……肥人Jer短係必然嘅道理，肥婆冇波就唔L好去死？公司唔止Samson一個肥仔，另外office都有肥妹㗎，咁你話佢兩個講嘢係咪太口沒遮攔？
我諗香港都有唔少夫妻做埋同一間公司，不過要搵一pair好似Idy同埋Jimmy咁高調講「性經」就的確少見，連老細都冇佢哋符。
返工有啲咁嘅同事，有時係幾有娛樂性，何況佢兩公婆做嘢又ok，但Idy最好咪次次點名問人啦，你叫班同事畀咩反應好呢？下下都牽涉到咁私人嘅事，莫講話喺office啦，就算放咗工出到街都唔識點答你，同埋成日講埋呢啲嘢，大家會聯想到Idy著住校服同Jimmy搞嘢，喂呀！有冇考慮過我哋唔想知呀！