同事今朝一如以往，用水壺向佢枱面嘅小盆栽噴水灌溉，其實一直以嚟我都十分好奇，究竟呢盆係咩花呢？
我：「你棵嘢ok喎，新年假咁多日冇淋水都冇事，你1月仲放咗十幾日大假，邊個幫你淋水？」
同事：「冇呀！好勁呀呵？我都覺得好神奇，啲葉仲綠過之前，生命力好頑強。」
我：「係囉，又唔係仙人掌，我冇研究開植物，呢棵係咩花？」
同事：「唔知喎，淨係覺得佢好靚，同埋浸味好好聞。」
第一次行埋去拎起盆花，咦……
我：「……假花嚟㗎喎！」
同事：「假花？點會呀？真㗎！」
當時我內心有一個諗法，就係呢個同事精神有問題。
同事續道：「冇理由㗎喎，我喺Ikea買，Ikea嗰啲花假㗎咩？」
我：「Ikea有真花有假花，不過你呢盆就肯定係假花，你……每日返公司都用個水壺噴水？周圍咪濕晒囉！」
同事：「有濕，唔係正常咩，濕咪抹囉！點會係假呀？假花點會有香味呀？」
後來喺其他同事「評理」之下，佢終於接受盆花係假嘅事實，至於啲香味，其實係前面嗰位女同事嘅香水味。
岸久，原來真係無若依，呢條岸久已經幫盆假花噴咗水3個月。