早幾日公司gathering，放工成班一齊去食晚飯，本身都冇咩，去到散場時有個女同事突然衝上前拖住我隻手，呢世仔未遇過咁嘅事，除咗不知所措之外，我都唔知可以有咩反應，然後個女同事喺我耳仔邊講：「幫下我吖，你繼續拖住我行，一陣就得㗎喇！」
嚴禁轉載聲明：本網站所存在的一切知識產權，屬於我們所有，或已合法地特許給我們在本網站上使用。由適用法例所授予的一切權利，茲在此予以保留。除我們給予特許外，閣下不得以任何形式及方式，創立衍生作品、下載、翻印、複製，或節錄我們的故事內容放在其他網站圖利。
連隨已經聽到後面班同事起哄，阿姐仲行前問我哋點解拍拖收得咁密，正當我想答連我自己都唔知咩事嘅時候，呢位叫阿Pat嘅女同事已經搶答：「啱啱一齊之嘛！」
後來阿Pat一路行一路同我解釋，原來倉務嗰邊嘅阿明追緊佢，而且追求嘅手法仲令佢好困擾，趁呢晚阿明有份去gathering，佢就希望我扮做男朋友，簡單嚟講就係等阿明死咗條心。
咁你都可以提前講聲啫，我相信呢個並唔係最好嘅解決方法囉！
Gathering當晚係星期五，其實阿Pat喺weekend都有send msg畀我9up，好老實講我唔係蠢，大家雖然同部門算好熟，不過又未致於熟到會星期六日WhatsApp傾閒計囉！咁如果直接問阿Pat係咪鍾意我又好奇怪㗎嘛！
星期一返到公司，倉務哥哥阿明無啦啦Diu9我：「你同阿Pat拍拖就出聲啦，收收埋埋，搞到我成個傻仔咁！」
我嘅思想鬥爭咗一陣，同倉務哥哥自爆呢個謊言有啲無謂，畢竟我同阿Pat同部門，如果要幫都幫阿Pat啦，雖然我唔知呢位倉務哥哥用過咩招數追阿Pat，但我亦唔想知。
未及回應，倉務哥哥又警告我：「你對阿Pat好啲呀！人哋好女仔嚟㗎！如果你對佢唔住，我第一個打鳩你！」
佢係咪睇得電視膠劇太多呀……
我同阿Pat講返呢件事，佢就笑咪咪咁，不過嗰幾日已經好煩㗎喇，啲同事係咁追問我同阿Pat啲嘢，而阿Pat隔咗幾日真係同我表白，佢先係約我睇戲，我唔去，然後佢問我會唔會考慮「真拍拖」！
我答得好直接：「唔會！」
阿Pat：「你係咪驚大家同公司拍拖，會畀人講閒話？」
我：「唔係！」
阿Pat：「你有女朋友？」
我：「冇！」
阿Pat：「咁點解唔畀個機會大家試下？你唔係鍾意我呢類型？因為我短頭髮？」
阿Pat個樣其實唔差，髮型就真係男人頭短頭髮，不過就算長頭髮我都唔會鍾意呢type！
由於阿Pat一直唔放過我，步步進逼不斷追問，我亦唯有講出自己心聲：「因為我鍾意有啲身材，你太瘦。」
阿Pat：「即係你鍾意嗰啲好大波好豐滿嗰種？」
我：「唔一定要好大波，不過你係完全冇波，sorry，有啲嘢唔可以勉強。」
阿Pat嘅身型真係嗰種……假設佢坐三個人中間，著短袖打橫伸直對手，你只會喺佢右邊衣袖望穿去左邊衣袖見到另一邊嘅同事，因為佢真係冇波，係0波！
阿Pat聽完之後好失望，但佢失唔失望對我係冇影響，最大影響係佢周圍同人講我鍾意大波妹，同埋阿Pat係當咗我仇人咁樣，而家喺公司唔瞅唔睬形同陌路，我真係唔明點解女仔示愛我一定要受，唔受就唔可以做同事做朋友？
倉務個阿明冇走嚟騷擾我呀，不過有時見到會眼睥睥囉！有啲同事就話我好衰辜負阿Pat，成班都痴根，有個別一兩個同阿Pat好熟嘅女仔應該知道得更多，但佢哋竟然話睇唔出我淨係會揀大波妹咁膚淺！癲㗎你哋！鍾意大波就叫膚淺？大波一定冇內涵㗎？瘦底一定心地善良呀？
我覺得今次真係無妄之災，試過同一個friend講件事，佢話我gathering嗰晚就應該縮手唔畀阿Pat拖，鬼唔知咩，唔易㗎葉師父，無啦啦有條女拖住你，人生又冇呢啲經驗，我都唔知應該點做，何況我當幫同事，幫完就算，點知阿Pat想打蛇隨棍上啫！
最嬲係阿Pat同人講我鍾意大波，男人鍾意大波有咩錯呀？（完）
Double May又好，零波麗又好，飛來艷福都係小心啲好。
波樓返工有艷遇 索女話要同我住
https://hkofficedaily.com/?p=12196