星期六叫外賣絕對唔灰，星期六我一個人叫兩份外賣先灰。
阿姐已經同我熟到有傾有講，有次佢終於發現：「你一個人叫兩份茶餐？」
「係呀，你餐廳要夠50蚊先送吖嘛！」
然後佢嘗試幫我諗個最貴嘅茶餐加凍飲：「又真係點都唔夠50蚊喎！」
「所以我咪要叫兩個囉！」🤦🏻♂️
其實我樓下仲有一間係幾多錢都照送，不過真係唔好食，我已經係一個對食冇乜要求嘅人，如果我都話唔好食，咁就真係好難食㗎喇！
我開餐先，失陪！
