其實平時我喺公司係點㗎呢
同事：「我聽日去東京呀，有冇嘢幫你買？想要咩手信？」
我：「冇呀真係，我都唔鍾意叫人買嘢，浪費人哋旅行嘅時間，何必要麻煩人哋。」
同事：「哈哈…你真係好驚麻煩人喎，咁你5月去倫敦，我都唔好意思叫你幫我買嘢喇。」
我：「我一定爆喼，講定sorry先。」
＝＝＝＝＝＝＝＝＝＝＝＝＝
同事：「你係咪出稿搵緊Sales呀？我之前都請緊，手上有啲CV唔錯喎，畀你吖。」
我：「唔使啦！你都話係之前，班求職者隨時已經搵咗工，何況我登完廣告都收到好多CV，唔想麻煩你。」
同事：「麻咩煩吖！我見你之前請account，仲想問你有冇CV彈返畀我。」
我：「費事啦！求職者都未必鍾意我將佢哋啲CV周圍畀人。」
＝＝＝＝＝＝＝＝＝＝＝＝＝＝
我相信唔止我一個係咁，通常一個人有幾唔鍾意麻煩人哋，就同樣有幾唔鐘意人哋麻煩自己。