今日有個求職者都幾特別，Interview最後問佢有冇嘢想問返我，佢話：「有呀！可唔可以問你喺呢間公司做咗幾耐？」
我理解佢呢條問題嘅出發點，既然我一開始冇規限範圍，咁咪照答佢囉：「我喺度做咗5年。」
求職者：「咁都好穩定喎，你介唔介意分享下喺度做有咩優點同缺點？」
明明我in緊人，結果變咗我去見工。
佢敢問，我敢答，所以就分享咗自己嘅睇法，包括OT機會比較多，但同時提醒呢位求職者，每個Department都有各自嘅文化，我係人事部，佢個職位就屬於Sales & Marketing，所以感受會因部門而異。
相信唔係每個HR都願意答求職者呢啲問題，不過佢問嘅態度係好誠懇，最重要係我理解佢咁問嘅出發點。
我已經將呢位求職者嘅resume交咗畀Sales & Marketing嘅Manager㗎喇，希望佢嚟緊Second Interview順利啦！