有個新人女同事向我辭職，我問點解，佢答：「你一開頭冇講清楚成個部門都係男人，我覺得唔係咁舒服。」
呢位辭職嘅女同事劈頭就怪我，搞到我驚咗一秒，唔係發生咩性騷擾呀？
我：「唔舒服嘅意思係……佢哋有冒犯你？行為？說話？」
女同事：「咁又冇，不過唔慣喺男人堆工作啫，如果一早知，可能我未必接受offer，而家返咗兩個星期都唔習慣。」
做咗management咁耐，第一次聽到有人用呢個理由resign，既然我無法改變現有同事男女比例，咁唯有接受佢辭職，我亦有反思將來請人係咪要mention成個部門都係男性。
當時我心裡面有句忠告，不過冇講出口～～～「第日你喺女人堆工作嗰陣，就會明白男人堆其實幾好。」