噚日去速剪，聽到髮型師同個客嘅對話。
客：「淨係修『的水』得㗎喇，其他唔好搞。」
髮型師：「後面同你修少少好冇呀？」
客：「你唔使畀咁多意見㗎，叫你淨係修『的水』就修『的水』，你有料就唔使做速剪啦！」
聽到呢句之後，店內所有人都擰晒過去。
髮型師：「唔使咁講嘢呀？你有錢都唔使嚟呢度速剪啦！」
跟住佢兩個都沉默咗，個客修完「的水」就起身走，髮型師亦冇講任何嘢，繼續剪另一個客。
剪個幾廿蚊速剪啫，何必互相傷害呢？
