我身邊有個朋友好想做KOL，佢日頭返份office工，夜晚就拍片同寫文，先唔理有冇潛質，起碼佢非常勤力。
呢位朋友會請教我好多嘢，例如幾點出post比較好？加hashtag有冇用？又會同我分享遇到嘅問題，其中一件事都幾搞笑，事緣佢對一位fans印象好深刻……都好難唔深刻，因為佢個page followers少，而留言就更加少，但偏偏有位fans就逢post必留言！
朋友：「有次我出post呻返工好辛苦，做KOL又冇成績，覺得好攰，佢留言叫我注意身體，別勉強！」
我：「咁個fans都係關心你啫！」
過咗幾日，我朋友又出咗個post，張相係影住「善存維他命B活力配方」，個post嘅內容就係咁寫：「唔知我老豆搞乜，無啦啦擺盒維他命丸喺我枱面……」
毫不意外地，佢位天字第一號fans九秒九留言：
「這個對你很有幫助的，裡面含有最全面8種維他命B，能擊退疲勞，提升集中力及維持免疫力，因為你工作太忙太累了，綜合維他命 B、鋅及銅能消除疲勞及幫助恢復活力，而維他命C、鋅、維他命B1、B3、B5、B6、B7、B9，還有B12，都有助提升記憶力及集中力，你之前不是說工作很辛苦嗎？還有你好像深夜還出帖文，睡眠少一定會精神不足，這個能提升你的活力。」
睇完呢個留言之後，我有個大膽嘅諗法，即刻打畀個朋友：「你而家出個post，話自己想飲青紅蘿蔔湯，想食蒸肉餅。」
朋友：「呢種post會多人睇咩？」
我：「信我！出咗先啦！」
幾日之後呢位朋友話畀我聽：「嘩！真係亂說都開口中，之前出post講完，今晚返屋企老豆煲咗青紅蘿蔔湯，仲有蒸肉餅，好邪呀！」
我：「其實有冇一種可能性，天字第一號fans就係你老豆？」
朋友：「點會呀……佢都唔玩social media，點知我有個page先？」
我：「又有冇一種可能性，係你喺屋企冇熄電腦，其實郁下個mouse就見到你平時玩緊乜。」
雖然呢個朋友個page到目前為止都冇爆紅，但係唔緊要，起碼佢有份全職工作，唔需要擔心收入，佢亦唔使驚啲post冇人睇，因為最少會有一位「忠粉」認真對待。
其實唔一定要多followers嘅KOL先好睇，啲post有冇營養先至係關鍵，最少我從世伯……呀唔係，最少我從呢位fans身上得知，原來「善存維他命B活力配方」好適合我哋呢啲日忙夜忙嘅都市人，可以擊退疲勞、恢復活力，有助提升集中力之餘，其實仲有抗氧化作用同埋支持免疫系統。
朋友已經確定咗個fans係佢老豆，但世伯仲未知道自己嘅身份被識穿，我就耐唔耐都會睇下佢兩父子嘅互動，有時係幾warm㗎！
其實fans同維他命一樣，最緊要高質。
【最新優惠✨】即刻去屈臣氏網店睇吓啦！
👉🏻 https://bit.ly/3XtjdOt
