以小薯身份認識既老細係唔錯既新一代台灣人，幾nice，亦無待薄員工，其實我幾鍾意間公司 但某部門管理層真係好無聊，請年假要提供原因，年假唔係員工受法例保障應得架咩？要提供請假原因架咩？ 講完原因仲要提供證明，最荒謬既係聽過同事，因為隻狗做手術想請幾日假陪下隻狗 因為唔夠公司要求的一個月前通知，主管無拒絕，但要求提供醫生證明，個獸醫話無諗過要為隻狗提供醫生紙 某部門管理層同咁幾位職員講話會考慮升其一中個人職，但4,5年過去啦，個位仲係唔知邊個升 工作量就真係幾唔錯既，可以日日準時收工 但前途就唔好期望啦，幾年無人升過職，就係升過果幾個管理層 年尾Annual Dinner抽獎，細既永遠抽唔中大獎，只有某幾個位高權重既中，大家明啦 但又勝在人人有份，總有幾佰蚊既嘢袋走，但疫症後都無搞幾年Annual Dinner LU 求安穩只求有份糧養活自己，可考慮，求升職加薪就IN都唔洗考慮啦，留番D精力搵第二間

【警世】 依家見工發覺越黎越多公司張form會要你寫fb/ig ac，估計為左起清求職者底蘊+作政治審查用途，為左唔好咁易俾人摸清自己底蘊，所以奉勸大家最好唔好係fb放自己個樣做大頭相，同時建議fb私隱設定set「限制過去的帖子」同將「朋友名單」/「追蹤中」set做「只限本人」，亦有必要將讚好專頁區塊隱藏，另外ig亦最好set做不公開帳號，雖然實有人話行得正企得正怕咩，但以防萬一真係有必要咁做，否則蝕底既只會係自己！

個經理Tree 成日激走唔少人, 佢性格超乞人憎, 叫你聽佢講一大輪野, 其實想偷打聽老細野, 又叫你唔好誤會佢性騷擾, 叮囑人萬一想投訴性騷擾, 都只能告訴公司指定人士, 不可告訴其他人, 這些好有可疑, 因同事有權選擇同邊個講, 法律冇限制; 佢講完野(超過半個鐘), 仲賴人做野做咁慢; 另一同事白羊女A_ _ ley, 不擇手段, 經常搶別人工作做, (為想事情如佢所想咁進行) 到比人揭發, 鬧人痴線! 佢欠其他同事文件或資料既野, 藉口反話人地冇比條線佢寫低資料, 荒謬! 講錯資料比同事, 連累同事比客投訴, 佢仲要唔認, 幾賤格下

疫情期間話可以Work from home，但WFH既同事都會收到HR同老細既email，叫佢哋反思吓WFH係咪真係有用，最痴線係叫人諗吓係咪對社會有益喎。其實間嘢係599F，已經冇對外開放，都冇人嚟參觀。 Omicron未咁勁嗰陣，office開始大裝修，日日嘈音同大塵，都冇安排同事WFH。就算同事想去第二層做嘢靜啲，全公司都係得幾部laptop，根本唔夠分。同埋裝修師傅有時需要係同事位隔離爬上爬落，出入搬大型工具，同事一個唔小心真係會撞親。 最近公司有人確診，喺未做深層清潔前，叫喺office既同事要即刻除罩做快速檢測，完全唔顧同事既安全。

前線同事幾好, 只係捽數捽爆。Office要面對老闆ge 離地"奇思妙想" !!!同同事成日畫大餅但又做唔到

成間公司大部份管理層都係老seafood，唔聽員工意見，9做9OT，仲要俾幾個冇sense既女人係度呼風喚雨，以為自己好醒，其實就做到啲人扒係度，假民主，唔埋堆唔附和就整走你，做野唔係睇能力，係睇你做唔做太監宮女，全部都守舊到爆，仲要話自己行得幾快要直追兩大sport brand，不自量力，冇design 又冇quality，奉勸大家三思而後行，唔好以為佢個名大就好！

哩間公司同佢跑到條數靚靚仔仔都係雞碎人工。 老細最愛做唔到野的擦鞋仔, 經理位最無料就上到, 成間公司唔會正常運作到。 OT位梗係開心, 做做下街市shopping。 好彩最後成功離開哩間公司。

盡量簡短，衷心希望大家避免到惡夢。 -一個月內就有5至10個人被炒或自己走（多數為:新入職->冇耐被炒->請到下手->又冇耐被炒，無限loop） -每天放工後至23:59等派彩一樣睇下會唔會收到被炒sms。 -聲稱ot自發但準時走就有微言。冇補鐘冇補水。 -人身攻擊，攻擊你個樣、身材，卜。咒你生活不如意什至身體。最離譜就係請白事假都要炒。 -永遠認為員工錯哂，幾有經驗的人都會被彈到一文不值。仲會向新入職的人洗腦，數返哂一年內的前員工做得有幾差（仲要9成誇大黎講） -職位與實質工作完全唔相乎。建議唔好為左個靚名而屈係呢間公司做，你會後悔。 -係咁冼人，比鍋人食。仲大大聲話自己有幾忙。最難頂就係日日都會自誇有幾優秀（事實上…） -會係員工本人在office用仍能聽得清楚的聲量講人壞話 -出糧唔準時，仲要凶人 -叫人返去拎支票但仲敢挽人，攪到人地白白浪費左成粒鐘 -呢間公司的產品新品已經等於損壞品 -整爛左價值廿蚊嘅野都要人賠 -開左超過20個whatsapp group，非常混亂。仲要放工後理下d gp。你唔打算理佢都會tag你（包括假日） -相信就算離左職，佢地都會繼續作你有幾差，仲會借將之後所有過失都瀬落前員工身上（雖然員工在職時都已經成日被冼） 總結:冇人做得長，做得耐唔耐都好都會比呢間公司攪到心理不平衡，留下陰影。 希望公司唔好再請（害）人。求職者都唔好一時心急搵工而中招。

咁多年都凍薪，同事幾好都係假。人工唔加都算，做到hi hi, 升職都冇。

怨氣重所以寫得好長SRY。 呢間嘢行業上應該分入Localization業界，即係翻譯啦吓。 咁呢間嘢其實係日本開過嚟香港嘅分公司嚟，咁我就集中講香港呢邊啦。 首先日本派過嚟管香港嗰條友係好典型嘅Micro Management上司，我哋做嘢有少少佢無想像到嘅動作佢就當人偷懶，連人哋個mon嘅角度佢都想管埋。但係佢自己就背住角落頭，無人睇到佢實際做緊乜。 呢條友亦都唔識做上司。我走嗰陣條友離職證明都好似唔識寫咁，辭職日、最後出勤日、離職日 幾樣嘢可以撈到亂晒要我逐隻字改。 佢連請人都要搵埋我一齊in，甚至係我問得仲多嘢過佢。（我in嗰陣其實都係咁嘅鬼樣） 咁除咗呢個上司難頂之外呢，其實呢間公司仲每樣嘢都好度縮。 開頭講過總公司喺日本，嗰邊環境同埋福利其實唔錯嘅（不過講返人工嘅話以日本嚟講都係低），但係呢啲福利嘢就梗係無帶嚟香港呢度啦。交通住屋津貼？勞工法無寫咪無囉！ 咁算喇呢啲其他公司都無嘅嘢我唔計喇，但係數一數，前嗰排有人討論過嘅垃圾公司特徵：入職7日假、無水飲、Mon住背脊、OT多又無水補、etc.佢基本上齊晒。好似淨係無中觀塘地段呢點，不過搬office由太子搬1條街去深水埗都已經夠度縮喇。 開公司搬office都平字行頭，由一間都仲算靚靚哋適合協成行office搬咗去間舊商廈，個廁所頹到爆嘅。有段時期甚至係office入面連水都無，要自己去廁所斟返嚟煲。另外搬office當然無搵搬屋公司啦，搬嗰1條街咁遠，啲嘢搵男丁搬過去算啦。係喎嗰間嘢當時得2個男人，一個係我一個係嗰個上司，佢嗰陣仲飛咗返日本添。 做客嗰個睇住你搬前搬後間office差咗咁多，俾我就會覺得你間嘢就執囉。仲有係佢竟然可以搬咗幾年都唔整返個門牌喺出面，搞到人哋嚟見工都唔識入嚟呀屌。（我哋下面問佢整唔整佢話唔駛喎） 咁點解開間公司會縮皮成咁呢？因為香港間所謂分公司其實性質上即係自己外判俾自己，低價判啲狗屎俾返自己人（佢話係啦吓）食。 呢間公司對外宣傳嗰陣就話自己最講品質，做嗰個就知佢其實淨係識壓cost，所以人工愈平嗰個就愈多嘢做。 不時亦會出現同工種不乎嘅工作內容，入傳單、貼label、甚至係買外賣同廁紙（係呀層樓個廁所頹到紙都無）。 點解？因為搵你做夠平囉！理鬼你title其實係PM、Linguist定Engineer啫。 亦都因為同一個理由，香港呢邊係好L多嘢做。（香港人工平過日本→單job低咗cost→以上層部嘅計法即係賺多咗） 駐港嗰個日本上司話就話會幫我哋調整工作量，但係次次都係愈調整愈多嘅？同佢講有嘢要彈返俾日本嗰邊做嘅時候，必定諸多理由氹你自己做返，因為你夠平吖嘛！ 所以呢，呢度加薪係極慢嘅。 我做尾2嗰年明明話業績幾好，但係到加薪時期就無任何表示嘅？ 喺同事共識之下我代表全場開口問，條友先hea9我哋話人工唔係年年要加嘅…喎。 嗯……係你決定咗唔加，定係你過咗財政年度之後俾下屬提你，你先發現原來自己做漏咗人工調整呢part呢？我唔知喇不過總之管理層唔會有錯啦屌。 跟住我拎返公司資料出嚟指返俾佢睇，入嚟嗰陣明明一早講咗每年最少有1舊水侮辱性加薪。 咁佢先肯死死地氣加返嗰1舊水嚟侮辱我哋，真係多銀謝晒！ 咁具體嚟講點刻薄法？ 其中一個例子係因為分工亂到九彩，所以實做嗰條友（即係我呀）係可以睇到單job嘅成盤數。 結果我就睇到單job呢part全部係我做，但係呢part收個客嘅錢同俾返我嘅錢最少差咗1個0。 由呢一刻起我就決定咗下次再見到咁嘅job我就唔撈。 結果真係中咗，下次又出單咁嘅job嗰陣我真係搵到份人工即加50%嘅offer，bye撚bye。 我之後去咗間同行嘅大公司做，就知道之前嗰間公司成間嘢都好低技術。 佢哋請個技術職title返嚟叫佢去做design嘢，因為對呢間廢柴公司嚟講原來連design嘢都已經算高技術呀你話死未！ 佢哋有啲產品其實係同一樣嘢夾硬分開幾個sales plan當唔同服務咁賣俾人。 呢啲公司根本係寄生喺日本人淨係信日本人呢個思維上面先生存到。 話說寫呢個post嘅時候我睇返佢哋公司個網站， 喺疫情衰退其間佢哋似乎將所有高層個title推高咗1級， 有非常濃厚嘅 沐猴而冠 feel。 話說我走嗰陣時除咗個無L用嘅日本人上司之外，仲有1個同事未走到仲留喺度。 阿C小姐你仲喺唔喺嗰度做呀？仲喺度就快啲走啦。 呢啲公司應該執柒咗佢，然後食花生睇嗰個唔知憑咩升取締役嘅M先生躝返本社俾人屌呀。