想講好耐,利申已經係一段往事但極為曲折離奇。
早排有 headhunt 搵我試試新機會,呢間公司都大,係唔知做乜係香港彈出彈入,又撤退又回歸。從 headhunt 口中了解到,佢地成半年都未請到人。而第一關 S 記 HR 講到明,我下一關係 written test,第三關係見 head, 第四關 final 先係見 manager 同 assistant manager。古怪嘅係,HR 話如果 m 同 am 唔喜歡我,就算 head 鍾意我都無用,話 S 記好重視每一位同事嘅聲音。呢個時候佢見我有少少訝異,就補一句:「你嘅意見都好緊要,你都可以感受下同我地公司同事夾唔夾架嘛」由呢個部份已經估到,唔少前人都係比第四關 m 同 am 燈走咗。
成個見工經歷唔易,仲要 interview 3次 外加一份 written test,我淨係請假都請咗 3 日。我一開始抱住多謝賞識嘅心去試試,無諗到一路俾我過曬 3 round 面試,但最後果果卡在第 4 關,之後再無下文。
講真,我清楚自己份 written test 炒咗車,因為我本身個 position 唔需要好似 S 記呢到咁全能,一個人打幾個 post 咁,所以某啲計數方面真係唔識,我照寫咗唔識上去。如果 S 記覺得我唔適合呢份工作,好應該係第二關 written test 哥陣就 fail 我,而唔係走去安排我照 in 第 3 round 第 4 round,互相浪費大家時間。
見過大大小小公司,成有敗有,就算係唔適合都會收到一封婉轉嘅拒絕信,好嚟好去。唯獨是呢家 S 字頭,作為跨國企業 LVMH group 旗下嘅品牌,原來會咁無禮對待 candidates。
我唔知最後佢地請唔請到人,不過有段時間確實因為音訊全無而開始自我懷疑,少少抑鬱過一排。後來轉到去一間性質好適合自己嘅公司,開始重新建立返自信,職級人工都大躍進。係到想鼓勵一下同我一樣,見唔成工然後開始自我懷疑嘅朋友,見唔成係好事,呢間公司唔係你應該去嘅地方,更適合你嘅機會係到默默等梗你!