過來人經驗分享


💡記得喺下面「發佈時序」剔一下「從新到舊」,咁就見到最update嘅評論㗎喇!

工作範疇 
職級 
經驗分享 
發佈時序 
公司名稱 
工作範疇 
職級 
經驗分享 
發佈時序 
公司名稱 

前公司叫于立

職位名稱
company secretary
職級
Middle
工作範疇
Accounting 會計/審計/稅務
經驗分享
全職
平均月薪
HK$15,001 – $20,000
人工同福利好唔好先?
喺度做有冇前景?
工作量如何?
OT多唔多?
同事關係同埋氣氛係點?
老細同管理層好唔好?
評論
岩岩入去做果時公司係係19b,19a有人租左,好似係啲乜乜同鄉會既office,但佢冇水牌,又唔係成日有人,所以唔識佢地,佢地有人既時候,會1直開住門,但都係見唔到佢坐係邊,淨係知,佢度門有個3角形好似平安符既野痴係度 后來我地部門搬左去第2層,我地本身轉用system果段時間都多野做,好多時都要8,9點先走得,再加果排我就黎去旅行,更加係每晚都ot 有1日,唔記得腦細同我講乜野,話我地慢,我地本身有3個人都已經好chur,有個辭左職,得番我同呀姐,你又唔請人,ot又冇錢,睇穿你係想我地用ot時間黎幫你慳人工,其實都算啦,但你仲要比說話我地聽,我果晚嬲嬲地做到7點半左右,條氣唔順就收工,我臨收工去廁所,果棟大廈都舊式既,廁所係2邊樓梯防煙門入面,男1邊女1邊,男廁係點我唔知,女廁就係外面1棟門要開鎖,入面就廁格咁,我地office都係得1條女廁匙,我去完廁所,岩岩著完褲,有人敲門,我以為係我office啲人,因為有個人腸胃唔好,去廁所好密既,咁我就話等等,好快,洗緊手洗緊手 順帶1提,條樓梯好應聲,上下1層都可以聽到,同埋個水龍頭唔係好嘈果啲 咁我洗完手開門既時候,冇人,我果刻就心諗,咁夜巡樓?巡樓做乜要敲廁所?唔通洗廁所?但洗廁所個呀姐抽鎖匙成棵樹咁大,又拖住袋垃圾,冇理由聽唔到咖喎 咁我果刻都未驚既,係覺得奇怪姐,番番入office就問我呀姐同另1個女仔有冇去過廁所,佢地1個就埋頭苦幹做緊野,1個就專心煲緊劇,完全唔似離開過個位,更加唔似等緊去廁所,呀姐話冇喎,問我做咩事,我就原原本本講佢知 然后佢問我,知唔知棟大廈本身係邊個既,我話唔知呀,佢話華懋咖,我話咁即係咩呀,佢話其實好耐之前已經有人講龔如心間中會巡樓 我即刻忍唔住長屌左1聲,大佬唔撚係掛,即係頭先係龔如心敲9我門啦? 呀姐繼續講,問我知唔知19a門口痴符,我話知,但佢打開門喎,佢話如果夜晚佢仲未走係會閂咖 我咩都唔想知,唔想再聽,即刻走,但我去到𨋢口,望住部𨋢,心諗,唔怪得之成日壞𨋢但check親都冇事啦,咁我仲搭唔搭好
人神共憤 0

SS連鎖化妝品店

職位名稱
Clerk
職級
Entry Level
工作範疇
Accounting 會計/審計/稅務
經驗分享
全職
平均月薪
HK$15,001 – $20,000
人工同福利好唔好先?
喺度做有冇前景?
工作量如何?
OT多唔多?
同事關係同埋氣氛係點?
老細同管理層好唔好?
評論
阿姐唔鐘意你,佢會郁啲就鬧你,而且重鬧得好甘嗰隻,好難聽嘅說話都可以講得出。阿姐重x街到喺佢部電腦度show我張CV俾其他自己部門同事睇,並且就著我張CV討論一番。
人神共憤 9

某沙連鎖化妝品店

職位名稱
會計文員
職級
Entry Level
工作範疇
Accounting 會計/審計/稅務
經驗分享
全職
平均月薪
HK$10,001 – $15,000
人工同福利好唔好先?
喺度做有冇前景?
工作量如何?
OT多唔多?
同事關係同埋氣氛係點?
老細同管理層好唔好?
評論
公司話就話返9至6,但實情係唔過7點幾你都唔準走,你準時6點鐘走同事會覺得你係異類;到每月頭5個工作天,因為要月頭埋數,你唔過晚上11點你都唔準走。 工作量非常多,有時多到要係咁OT之餘,放假老細重要你返公司工作。 直屬上司一見你唔到佢要求,就會一味對你破口大鬧你之餘,重會對你講啲侮辱性嘅說話。例如我係公司開OT食晚飯,直屬上司同我講:「你淨係識得食野,唔識得做野」,完全唔俾你食晚飯,要你做完手頭上啲野先准食晚飯。我食完午飯之後,完全都冇食過野,夜晚太肚餓咁就梗係要食飽先有力做野啦,上司咁講真係毫無人性可言。
人神共憤 20

Champimom

職位名稱
Account
職級
Middle
工作範疇
Accounting 會計/審計/稅務
經驗分享
全職
平均月薪
HK$15,001 – $20,000
人工同福利好唔好先?
喺度做有冇前景?
工作量如何?
OT多唔多?
同事關係同埋氣氛係點?
老細同管理層好唔好?
評論
如果想挑戰自己既IQ同EQ可以即管一試,公司最近改左名叫noble ventxxxx group 1. 公司環境好細,坐得好迫,空間感好侷促 2. 每個月都會有人離職,多數做唔到試用期就走,交接超差 3. 老細係couple,處事做人都稱得上係賤,一言堂,每分每秒都有唔同既指示,根本唔知跟邊個先啱,咩都要問過佢地,但就成日唔應機,唔知想點 4. 公司有cctv同錄音,仲有screen monitoring,連msg都會睇到,私穩度係0,唔知算唔算觸犯私隱 5. 公司無咩benefit,無病假、醫療 (好似話係高層先有) 6. 開會時間一拖再拖,最鍾意係拖到放工後先開,而且老細們好鍾意同一件事要你present幾次 7. 好多無謂既流程,但最慘係同事之間會卸膊,分工唔得清晰 8. 放工後,零晨時分都會有好多wtsapp比你
人神共憤 0

Cornerstone Properties Holding Limited

職位名稱
文職
職級
Entry Level
工作範疇
Accounting 會計/審計/稅務
經驗分享
面試
有冇壓你價?
狼過華秀隻狗
Interviewer態度如何?
西過西西里島
覺得間公司氣氛點?
圖書館咁靜
公司環境如何?
咪又係office一個
填完form等得耐唔耐?
好似唔記得咗我
成個interview用咗幾耐?
幾分鐘就叫咗我走
評論
約左一大朝早,上到去到填完份表用左20分鐘,等個HR入嚟就用左15分鐘。佢入嚟就叫你講下之前份工,跟住就叫你走得,呆左望住佢,仲要好似好引以為傲咁講左句「係呀,我見人好快嫁」 你見乜鬼嘢呀?專程係大西北晨雞咁早咁出去,晒左我幾十蚊車錢,見唔夠10分鐘就叫人走,不如你索性phone in唔好晒人時間啦。你係HR又如何?真係以為自己大晒?最基本嘅尊重識唔識?你嘅係時間,求職者個啲就唔係?條女仲要以為自己好索。 同埋間公司google係咩都搵唔到,淨係搵到好出名好大間個間Cornerstone,唔好以為係同一間公司,呢間公司好細,好似10個人都無。
人神共憤 3

Intxxxxx testing sevice

職位名稱
(electronics) global key accounting executive
職級
Middle
工作範疇
Accounting 會計/審計/稅務
經驗分享
全職
平均月薪
HK$15,001 – $20,000
人工同福利好唔好先?
喺度做有冇前景?
工作量如何?
OT多唔多?
同事關係同埋氣氛係點?
老細同管理層好唔好?
評論
呢間公司好大, 不同部門風氣會有分別, 所以不代表全部. 電子team幾乎每個星期都捽數, 所謂的key accounting其實就是sales, 不停跑數, 每個星期都要系team面前報數 環境: 晤知點解呢個部門特別污糟, 如果你晤介意有小強經常出沒, 冇鼻敏感又晤容易皮膚過敏就可能覺得冇咩 team head好中意直接叫人去佢個位傾野, 雲吞呀,晤知幾日前飲過ge咖啡杯, 食完的外賣堆積系文件上面 管理: D同事因為都要跑數,所以晤會有人願意分自己D客比新同事, 冇乜制定工作流程但要你自己心中有數 氣氛文化: 好鐘意收工時間前5分鐘叫曬人開會, 而且系冇預警個隻, 開會頭半個鐘吹水為主, 成日出現有色笑話不論男女, 因為每個人都睇自己條數, 同事們之間其實都只系表面良好 總結, 如果你鐘意個D交到數就大曬, 又晤介意環境污糟就入啦
人神共憤 0

Qurio Education

職位名稱
Education Consultant
職級
Entry Level
工作範疇
Accounting 會計/審計/稅務
經驗分享
全職
平均月薪
HK$20,001 – $25,000
人工同福利好唔好先?
喺度做有冇前景?
工作量如何?
OT多唔多?
同事關係同埋氣氛係點?
老細同管理層好唔好?
評論
係一個完全未成熟嘅一間公司 CEO係一個沒有在香港做過教育經驗嘅人士 任何一個員工都要Multi-functional 我自願早啲返工遲啲收工,都做唔晒所有嘢 明明入嚟只係呃我話幫家長做報名手續,係CS同operation為主,最後推咗我做sales,繼而再夾我話我做sales做得唔好。請好多平價intern返嚟做啲冇人有時間做嘅嘢,但老師係好好嘅,亦都有傾有講,亦都明白我嘅處境 唯一好處係,一申請咗辭職,好快就叫我唔使返工,唔使我留喺度你眼望我眼一個月 我入到來已經有兩位同職位上司先後辭職 應承咗比我嘅Title最後尾都冇比 然後請到第二個人replace我就趕我走 真係做得好唔開心,好似比佢哋踩到一文不值咁 上司唔記得咗自己講過嘅嘢,利字行頭,冇諗過同家長建立良好關係,保留忠實嘅客戶,因為呢個女魔頭嚟到,我哋成條Team都先先頭後在一個月內辭哂職 好彩之後搵到份人工唔錯,準時返工準時收工,福利都好好嘅公司
人神共憤 0

得幾個英文字母名

職位名稱
打雜工人
職級
Entry Level
工作範疇
Accounting 會計/審計/稅務
經驗分享
全職
平均月薪
HK$10,001 – $15,000
人工同福利好唔好先?
喺度做有冇前景?
工作量如何?
OT多唔多?
同事關係同埋氣氛係點?
老細同管理層好唔好?
評論
哩間公司行政完全失敗!各部門無溝通,人手分配混亂。有人好得閒,有人做到PK。班OA又成日蛇王要其他代佢哋出街工作,要分山頭埋堆。唔加入就俾人玩,中層員工公私不分亂發指令工作。有D就以為不停OT就代表好员工,亦有女經理同自己部門年齡少十多年的男同事發展戀情而幫佢升職。
人神共憤 2

Axx移民有限公司

職位名稱
Account clerk
職級
Entry Level
工作範疇
Accounting 會計/審計/稅務
經驗分享
全職
平均月薪
HK$10,000 以下
人工同福利好唔好先?
喺度做有冇前景?
工作量如何?
OT多唔多?
同事關係同埋氣氛係點?
老細同管理層好唔好?
評論
呢間係中資,我喺度做大約係10年前嘅事。一句講晒,呢間仆街公司冇糧出😡!係呀!我做account 都冇糧出!勁諷刺🤦🏻‍♀️ 個仆街經理又不斷喺度吹水話自己幾百萬年薪😒,挑!咪L玩啦!公司盤數喺我手,你出幾錢糧我會唔知?!佢仲不斷慫恿d同事轉做移民agent + 地產agent,佢都on9嘅,剩係睇你套西裝你對皮鞋你隻錶你個公事包,就已經知你撈唔起啦😒
人神共憤 0

L碌珠寶

職位名稱
會計
職級
Middle
工作範疇
Accounting 會計/審計/稅務
經驗分享
全職
平均月薪
HK$10,001 – $15,000
人工同福利好唔好先?
喺度做有冇前景?
工作量如何?
OT多唔多?
同事關係同埋氣氛係點?
老細同管理層好唔好?
評論
福利:入職得10日年假; 無病假, 除非你病夠4日就有4/5人工; 大時大節無早放; OT過12點有補鐘 人工: (寫字樓)入職會同你講一年會出2次花紅, 所以會將你個底薪襟到好低, 雖則真係2次花紅, 但係可以有同事加埋得1-2個月, 然後有啲同事可以高至6個月 (已經唔係講緊management grade); 借社會運動同疫情凍全世界薪2年 (只限香港區, 國內繼續升職加薪) 同事: 唯一令我留係公司嘅原因; 有啲老屎忽係會攬野做, 驚死比人踢走, 如果想學野就唔係好事 上司: 無料呀姐偏心偏到出晒面 無料扮四條, 都唔明堂堂一間上市公司點解做到部門第二大都可以無牌; 為求自保不擇手段 管理層: 家庭式管治; 肥上瘦下; 無規管扮有晒規管; 工作量: 分工極度不平均; 有同事日日準時打卡, 同時有同事日日過12; 要接受一份野要做n個版本; 全部野你要用人手做到一個制就出嚟嘅效果
人神共憤 0
error: