評論
關於Toppan Forms嘅工作評論，將會以一個大綜合去人手處理，以後每逢有呢間公司嘅留言都會被加去呢度，等相關人士可以集中討論，舊留言已經全部copy落嚟，次序由新至舊，會有埋留言時間。
2021/12/04 at 5:44 pm／／／返8點半放5點半，返6日先9500蚊，仲要輪更收11點，星期日加班得1比1，印刷抽氣唔開，空氣環境極差，部門與部門之間唔夾同互鬦，食飯時間得半小時，個個員工帶飯食或食杯面又一餐，全場CCTV每角落都影住員工做緊咩，廁所走廊如是，十足坐監一樣，做4個月走人。厲害的我竟然過了試用期，人生黑暗啊
2021/12/04 at 4:28 pm／／／我諗睇到呢個post嘅人識我嘅就識個唔識我嘅就唔識我，我講到咁白你哋都唔知我係邊個時候仲當我係分身咁我就幫你唔到喇。人工我ok嫁。其他人普遍都比市場低少少啦。喺ToppanForm返工，兩個極端，一係一做幾十年，其他人通常都唔過兩年。同印刷業講前景咪同當年講菲林相機一樣你哋唔好得啖笑啦。其實呢度啲同事幾可愛㗎只不過佢哋喺佢哋呢個環境做咗咁耐好有感情所以打嘢嗰單嘢咪變成咁樣囉。
2021/12/04 at 2:43 am／／／致辦工室日報版主聶瞳：由於我驚俾人公審，我只能選擇在此匿名留言，我唔知版主你會唔會睇。今日睇倒你响Facebook 講關於Toppan forms 洗版一事，我係之前留言toppan forms 其中一人，但我只留言一次，我亦相信過半留言都出自唔同人手筆。其實呢件事應該係一場誤會，四五十個留言，個人認為話多唔多話少唔少，toppan forms 响香港係一間幾百員工既中型公司，加埋啲離咗職，被離職同被炒的「受害人」，睇怕可能過千，同事間互相轉發，只要有一成人留言已高過呢個數。啲同事各有故事，大家唔係存心洗版，但想留言的，必定只能開新post，由於系統設計限制（實屬正常），形成變咗做洗版。我先响呢度向各讀者致歉，我相信啲同事都唔係諗住霸住個版唔俾人用的。我承認好多同事同公司結怨，都有私心，希望借閣下既力量唱衰仇人，誠然如今世代身處社交網站，出post冇私心的又真係有幾多人？唔知你有冇睇啲同事講既野，多數都係佢地睇唔順眼既事，卻不乏一啲實在打工仔會面對既難題同經驗，當然亦有啲係亂up 24唔抵幫的，我只想知，呢個平台係咪真係全部容不下非刪不可？今日响facebook 睇過你出既post後，我有一種莫名其妙的心痛。你個page 有成廿萬個followers，你既做法就等同將同事推出去俾廿萬人公審，而你講既野有好大影響力，羊群心態下個結果唔使我講，呢個結果亦會被解讀為「全世界都幫住HR大家姐」，乜香港人唔係追求公義架咩？天理何在？如果你真係因為四十幾個留言覺得受氣，覺得俾人利用，要出post發洩，咁請怨我得罪講句，你真係要認真考慮摺埋過來人，Toppan form可能係你第一個問題，但我敢保證佢絕對唔會係你最後一個問題。講咗咁多，其實我想大家都諗吓，點樣可以做好啲，我眼中呢單野擺明係誤會，但我亦唔知道「過來人」既理念。其實如果只係唔想影響其他人search野，咁可唔可以响啲留言加comment功能，大家盡量同一間公司响同一條thread comment? 或者好似啲討論區咁分晒group咁做？但如果你唔想同連登果啲做埋同一樣野，咁就係市場定位問題，我都唔能夠加意見了。最後祝所有讀者同版主，疫情下都保持健康，辦工愉快。
2021/12/04 at 12:34 am／／／阻多大家一個post，呢個係整合版，我唔識可以點Group唯有cap圖。。。 https://postimg.cc/gallery/2nhqky8
2021/12/04 at 12:02 am／／／版主, 其實你呢個page本身就要整grouping或者sector, 唔同人投稿, 我哋係group唔埋呀～ 你唔介意可以幫我哋group埋出, 我哋只係想留record 同唔想有人中伏, 真係有同事被迫到有精神病到睇醫生～ 我哋唔係想洗你版, 更加唔係想玩爛呢度, 呢單嘢喺Toppan forms 舊同事同在職同事之間都炒到勁熱, 個個都好多唔同嘅不滿, 被無理對待嘅 “過來人” 真係勁多, 呢間根本係一間勁西嘅公司～ 如果D留言你冇del, 不如搬哂D 舊post開返個section俾我哋繼續討論, 我哋有唔少同事真心投稿, 你可以認真睇吓（唔計有幾條友好明顯玩膠）, 或者俾人filter走我哋, 唔想睇嘅咪唔好睇～ 講真, 你openrice 都係search名之後下面出評語㗎啦, 而家嘅時代,幾十個post根本好少, 如果要整 “工評”, 你呢種format過咗幾十篇post之後你第1篇都係碌到睇唔返～ 當然,呢度你地方, 我都係俾個建議點做得好D, 你絕對可以唔接納繼續用呢個format嘅, 如果阻到其他人真係唔好意思
2021/12/03 at 6:22 pm／／／板主， ToppanForm而家請緊人，去元朗入信，我幫你入去做一個禮拜，我保證你唔會當我哋係分身，板主， ToppanForm而家請緊人，去元朗入汛，我幫你入去做一個禮拜，我保證你唔會當我哋係分身
2021/12/03 at 6:20 pm／／／我用我人格擔保，我哋唔係同一個人！我可以噏得到每一個post嘅人係邊個。
2021/12/03 at 6:06 pm／／／條友真係以為得一條友憎 Toppanforms ~ 成公司都憎HR呀 on9
2021/12/03 at 4:42 pm／／／你地班殘民同我聽住, 我地HR 大家姐話唔怕你地, 你地POST 幾多我地就DEL 幾多. 有本事就去埋連登, discuss.com 度POST. 大姐大驚都未驚過. 你地出年全部唔駛指意加人工
2021/12/03 at 4:35 pm／／／各位同事唔好氣餒，雖然我唔知點解 office daily會delete post，但我已經cap哂圖，各位嘅心血係唔會白費
2021/12/03 at 2:52 pm／／／其實Toppan 唔萛成日炒人, 最起碼每次裁員HR 同 Finance 都唔駛交人出黎, 無人要炒. 要炒只係炒其他部門的賤民. 呢兩個部門可以任搬瓏門, 如果大家係入來Toppan 做HR 同Finance 絕對無問題, 其他Department 就搵枝槍指住你都唔好入…
2021/12/03 at 2:50 pm／／／Office Daily是HR地頭，是不可以講HR壞話的！現在Office Daily delete哂Toppanforms 的post，我看你們財務大佬用什麼證據去跟日本仔打小報告？！HR大家姐又贏！
2021/12/03 at 2:29 pm／／／利申： 已離職。人既已死，其言必善。
當初佢地裝修個pantry，我真係天真到以為佢地做返樣德政，豈料小小pantry 都可以地獄煉成。首先原來係為咗駁喉裝一台平價濾水機，唔再訂樽裝水，以後全世界就响部虧既水機裝污水飲。洗手昇盤只可以洗手，更要裝支CCTV mon 住有冇人洗碗。疫情之下我帶飯一年，就連攞住個飯兜行近個昇盤都驚俾佢出warning。呢個時候我先明白，所謂翻新pantry都有陰謀，佢都用每一亳子都係為咗自肥，用同事健康換取自身利。我真係想請佢個仔上來office ，請佢飲杯水機斟出來既茶，同一件响廁所洗過既碟裝住既蛋糕佢食，我睇佢敢唔敢俾佢個仔食。
你投訴的話，佢一定講：法定冇規定要做。乜咁就可以卸責咩？慳錢唔係大晒，門口卡鐘三個壞咗兩個唔整，逃生通道指示牌啲燈壞晒，又唔整，敢問佢係咪真係好叻法律。但佢徧徧有一大筆錢買啲冇value 既獎，批錢果啲管理層都係白痴。
上帝要你滅亡，必先讓你瘋狂。
2021/12/03 at 1:59 pm／／／講起空氣問題，一定要講下嗰部空氣清新機，邊Q個天才諗到當全公司都有人嘅時候，開部工業用臭氧空氣清新機。我哋唔OT死，都毒撚死左！
2021/12/03 at 1:41 pm／／／嗰 D 咩要自己倒垃圾呀, 冇水飲嗰 D 都俾人講哂啦… 不如我講下公司環境 ；） Open Office 豬肉枱都唔係大問題, 但係佢擺到勁逼夾, 行過要撞開哂中間 D 人先出到嗰種, 同同事講唔該借借多過講早晨 ~ 公司超大塵, 好污糟, 完全唔知 D 塵邊度變出嚟, 唔講以為自己返地盤 ~ 樓底好矮, 聽講本身唔係咁ga, 係以前租嗰時因為唔想清理, 就咁起個好高嘅假天花遮住就算… 有同事要拉線爬過上去睇, 上面咩都有 ga ~ 你哋抬高頭望吓 ? XD ~ 仲有 D 電掣, 好多都甩皮甩骨, 成日好怕踢到會電死, 唔肯定保險 claim 唔 claim… D 電線呀 LAN 線呀, 求其搵個嘢笠住就算, 飛哂出嚟, 每次經過都要好小心唔好 “click” 死 ~ D 線好勁㗎 ! 有生命嘅, 好似植物咁識生長, 會愈生愈長愈生愈長, 好快可以游繩落去 ~ 同埋門口 reception 嗰個, 用成皮嘢買嘅倒數珠仔燈牌又係經典 ! 人哋奧運都係倒數 100 日啫, #Toppanforms 倒數 50 週年數足 365 日係咩玩法 ? 唔講以為數緊自己幾時光榮結業呀 XD
2021/12/03 at 1:22 pm／／／呢間公司高層都燒壞腦迫自己d員工OT做d九唔搭八嘅嘢，簡直痴Q線當哂d人傻仔；傻仔OT工作一個接一個；貼完label, 又入元朗data entry，而家仲要摺信…痴九線！
我而家仲揾緊工，要快d走為妙，1再唔走唔知遲d OT要陪㗎仔做嘢！！
2021/12/03 at 1:04 pm／／／我喺Toppan做左大約10年，同意好耐以前氣氛唔錯，但自從由本身Toppan由3間公司夾硬裁員re-org變2間開始，HR好似炒人炒上癮，每一兩年就炒一大堆人，追KPI咁，然後逼其他同事執屎，HR大家姐就步步越權上位，由炒Deputy MD，到炒Procuement大佬，明眼人都睇得出佢係幾咁拿渣，成間公司氣氛都跌到谷底，仲要迫同事做埋一堆工廠嘢，令同事怨聲載道，唉！希望我喺間公司執粒之前搵到工啦，雖然做咗咁多年，真係好唔捨得
2021/12/03 at 12:45 pm／／／HR 的食物鏈底層, 你地同我聽住. 講陰濕我地財務大哥唔會差得過你地HR 大姐, 加上我地大哥的奪命纏繞, 煩到好似女人咁, 我唔知你呀姐頂唔頂得順? 依家好明顯係我的財務部話晒事, 我地大佬見HR 重有利用價值先放你地一條生路. 我地財務大哥睇埋HK廠下一步就收HR 大姐皮, 乖乖地就快D歸順我地, 投降輸一半…..
2021/12/03 at 12:22 pm／／／我是HR食物鏈底層！財務部的小薯仔留意番，不要一朝得志語無倫次！雖然暫時幾個dept 歸了你們，但我們HR大家姐陰毒能力雄厚，不要以為區區錄音筆可以裝到她，你這種小薯仔可能不清楚我們大家姐是怎樣裝前procurement管理層的，但你們財務大佬必定很清楚，你自己問他
2021/12/03 at 11:41 am／／／本人係Toppan 做左超過5年, 以前公司都不錯的, 但D 兩年真係差到仆街. 之前要入元朗廠做Data Entry, 又要貼Label 都萛啦! 以為捱過左最難既時刻. 佢老味今個星期要我入去摺信, 入信封. 再咁搞落去會唔會洗廁所都要叫埋我地做? 我唔係manager grade 但都叫professional, 讀左咁多年accounting 今時今日衰到要同D 姐姐一齊摺信. Toppan 兩大魔頭要玩到幾時? 日本仔幾時先醒?
2021/12/03 at 11:12 am／／／大家好，我係鄉音阿姐！
我平時大聲講嘢，湧住濃濃鄉音，係我嘅特色！
叫你地去廁所洗碗 自己倒垃圾，係因為我太忙，要煲劇同偷懶，氹得到大姐大我咪乜都唔使做囉！你哋班傻同事慢慢呻啦！我出名偷懶同識擦鞋㗎😀
2021/12/03 at 10:51 am／／／鄉音阿姐是我哋HR大家姐的皇親國戚，炒哂你班仆街都未到她。你們記著不要弄髒pantry，請牢牢記著我們pantry是不可以洗碗的，請各位同事返去廁所洗，廁所是管理公司負責的。pantry是鄉音阿姐的私家房間來，我們會看著CCTV，如有同事在pantry 洗碗即出warning！
2021/12/03 at 9:54 am／／／你班人頭豬。以為吹下水可以打擊到我喺公司地位。平時我真係冇撚睇錯你地，一個二個真係唔駛做咁得閒上黎打埋啲咁嘅野。MD 個位，我唔志在嘅，我最大興趣就逐隻逐隻捽死你地班賤民。尤其係去廁所打野果件垃圾呀，好自己遞信喇，唔好要我出手呀。
2021/12/03 at 9:20 am／／／見大家講到咁齊心，我又爆下料啦。
自從大姐大嚟咗，公司就不時發生炒人潮，唔知以為你比咗好高人工，覺得唔值炒人，又要你做得多元化，又要你低人工！
早排見到個接待姐姐唔做，之後轉咗個鄉音大姐大坐陣，我係出面望入去見到間公司咁樣坐住個阿嬸係度，你估唔出位吖，見工嘅人面對住佢嘅譚仔鄉音嗌入房，都咪話唔和味
再講，我未見過做清潔做到唔使倒垃圾，升職升到坐門口，乜都唔使做，吓！清潔？noway! 氹得掂大姐大係唔同啲，認真出色又招積！
2021/12/03 at 8:01 am／／／來了不久，現在的IT Department Head跟財務大哥和HR大家姐也是一幫人，一起做陰毒事情。他只來了數個月，所有舊IT同事，即使在Toppan forms 做了接近10年也都相繼離職，全部人包括 solution，sap，support也都一個不留換了血，就知他什麼料子！
2021/12/03 at 12:57 am／／／投選「最仆街HR大獎」「Most PK HR Award」我公司一定高票當選！實至名歸！
2021/12/02 at 11:42 pm／／／以前個IT頭帶埋佢D靚一齊走。成果Department 就無左啦！真係 “走先啦，係咁先啦，下次再玩啦。”
2021/12/02 at 10:38 pm／／／Management仆街，底層一齊食開屎所以氣氛都可以。HR大家姐，你會唔會俾錢office daily del post？但係我哋cap哂圖㗎喇！ 不如你考慮吓課金買個「最受注目獎」啦，又可以放多一個獎喺公司打飛機！
2021/12/02 at 10:07 pm／／／我覺得toppan同事關係好好喎，係啲管理層卜街。同埋Office Daily可唔可以上黎頒番個最多人討論獎比我哋hr呀？
2021/12/02 at 9:41 pm／／／你哋真係以為被兜deputy MD真係好想去賣保險？馬死落地行咋！佢俾人即捕即解，嘢都執唔切㗎！ 你試吓做咗一份工幾十年，由𡃁仔做到 management，然後俾人寫花record即炒？你仲可以喺呢行立足？仲可以點搵嘢做先？ 雖然佢都唔係好人同埋敗於權鬥，但HR條賤人駛唔駛絕到迫到人哋永不超生？？！ 我真係好懷疑到底有幾多個已經離職嘅同事係記錄良好？！嚟緊MD退休，會唔會又俾個賤人玩到身敗名裂？仲有跟住佢多年嘅Admin阿姐！
2021/12/02 at 8:22 pm／／／Finance同事講得好岩，我因為要support日本仔，有時會入佢哋房。唔止一次聽到財爺大佬同HR大家姐雙鬼拍門，打小報告，話某啲team同事成日作反，好難control同manage，要諗辦法整治佢哋云云。日本人通常烚熟狗頭咁點頭。嗰Team同事已經全部離職。
2021/12/02 at 7:32 pm／／／見到咁多同事講HR大姐大的壞事，我都要幫佢講句公道說話！其實好多陰毒野財務部的大哥大有份策劃，HR呀姐同Fin 呀哥兩個拍着上，專門諗啲衰嘢去整治所有Toppan 的同事, 係佢哋眼中除咗HR 同 Finance, 所有同事都係廢的！只係財務大佬負責諗衰嘢，HR大姐負責執行！睇黎MD 個位都係佢兩個上，呢位財務大佬啱啱入黎Toppan嘅時候為咗上位，竟然低裝到用錄音筆，去錄低前任MD講過的說話，然後喺日本仔面前打小報告！今日講住咁多先，大家繼續食花生睇戲！
2021/12/02 at 7:31 pm／／／奸臣滅異己，擁立為王，得勢宦官為其下，夕陽有限，國亡不遠矣！
人事不能，無能之才，害人不淺，苛政害人，自取其樂，人人受苦也！
2021/12/02 at 5:58 pm／／／老實講，之前俾人兜個Deputy MD咪有係作惡多端嘅控制狂！佢只係權鬥之下 輸咗俾HR大家姐啫，沒有比誰更高尚。成間公司高層都係物以類聚，剩係玩政治。（申利，佢有搵我買保險）
2021/12/02 at 5:34 pm／／／呢間公司試過拖數，唔找數俾vendor，仲唔只一間，然後俾人淋紅油封殺～ 而家好多vendor唔肯俾數期要先磅水後到貨，未見過一間公司誠信破產到咁嘅地步
2021/12/02 at 5:08 pm／／／炒了個Deputy MD算什麼？我大家姐說MD 都沒面比，叫他老人家快快脆脆退休不要再阻著地球轉，我大家姐要上位！
2021/12/02 at 4:47 pm／／／你估你先惨，上年年尾。佢地都兜咗個Deputy MD 啦。人地而家改行賣保險炸！
2021/12/02 at 3:28 pm／／／HR食物鏈底層出來，藉廁所時間再提醒多一次各位同事，嚴重警告你們不要再說三道四話我大家姐！記得她在雜誌訪問（付費廣告）說過「在HR的工作範疇裡面，我覺得員工關係可謂最具挑戰性且多樣化…我認為要成為優秀的人力資源從業員必須具備 “三條撚”，以我的英文名L*ll*an為例，內有三條L，演繹為聽（Listen）、學（Learn）、躍（Leap）。聽 – 就是要用耳、眼、心去聽，增加人與人之間的連繫及同理心；學 – 指人力資源不斷演變，廣度視野越來越闊，知識及技能提升是不可或缺的；躍 – 說的是在當今新常態下，Be agile, be flexible, be dynamic，令HR團隊時刻保持活躍。」所以我們HR都要每日都保持活躍，各位同事都必須要以我們HR作為榜樣，保持活躍咁工作！ 你們這樣踢爆她言行不一，壞事做盡，她會心情不好！到時候大家都不會有好日子過！對上三個月，有哪位同事試過8:30am之後才上班，8:30pm前已經下班的，你們排著隊等給我們照肺啦，你們最好想定點解釋！另外，元朗廠的同事們，不要以為山高皇帝遠，就開心得太早，大家姐愛將 「男MC」會收到大家姐指示整治你們！你們都知道 「男MC」可以幾無操守同底線，將同事私事及私隱資料是非當人情四處唱，這些只等閒事，你們隨時會比KITEC同事過得更艱辛！
2021/12/02 at 2:57 pm／／／Hi,我係辭職之後俾人捉過往遲到,最後一期抽後算帳被扣糧苦主
2021/12/02 at 1:04 pm／／／閪工、立立亂、玩politics嘅old seafood勁多、長期玩走哂d人、hr同management好仆街賤過狗、開埋好多拍手大會徒時間、濕鳩公司垃圾文化、狗也不屌
2021/12/02 at 11:54 am／／／我又少少地講一單啦，係我同事嘅，大家姐咁恐怖，都唔敢講自己嘢啦係咪？我聽返嚟㗎咋，唔係我㗎張單！哈哈！ 話說有個客想搵2個IT support，純粹一買一賣，落咗個客到就由佢自生自滅，公司剩係過河濕腳個種。HR一直搵咗幾個月都話in唔岩人，搵出面recuitment agent啦，HR又阻撓，話呢D job有乜理由俾外人賺，梗係自己請，lum埋個10幾%啦！但自己一直都話冇CV呀，in唔岩呀，拖咗好耐。之後有個仔幾好，個客見埋個仔，ok咗，（以下價錢係舉例，我冇爆公司機密㗎，張單唔係我㗎！）個客肯出$40000請個仔，個仔嗌價$30000，咁應該ok啦吓話？25%GP㗎啦喎，賣一個落去一年都差唔多50萬單，都袋10幾萬啦，個客要2個喎而家！成日100萬單喎！個客ok梗係拿拿聲賣落去開單啦係咪？！結果係我哋偉大嘅HR，話個仔唔值咁多錢，佢哋最多肯俾$24000個仔。講極都唔肯簽，壓落嚟話呢個數唔得，叫個仔減價，人哋梗係睬你都傻啦！結果單嘢個仔請唔到，得失埋個客。你咁樣請人，唔怪得一直都in唔岩人啦大家姐！個客見你話有仔又冇，我同事仲要氹返個客呀！
2021/12/01 at 6:09 pm／／／我走咗差唔多2年，估唔到呢間公司仲係咁精彩，HR條8婆D屎忽鬼野終於被爆出嚟，睇嚟苦主眾多。其他嘢唔多講啦，剩係講人工，我入職嘅時候$11,000，4年之後我走嘅時候係$11,600。辭職嘅時候被當殺父仇人咁對待，苦不堪言。
2021/12/01 at 5:56 pm／／／大家唔好再講啦，我就嚟笑到死啦！你都知道HR大家姐，有幾大方㗎啦！小心收尾兩年啦！
2021/12/01 at 5:16 pm／／／又是我！HR食物鏈嘅底層！我又去廁所了。
追返post，有人話HR大家姐買獎，那又如何？如果不是我們課金買獎，reception那處個櫃會好吉，個櫃係我們特登訂回來放獎的！還有，上雜誌是必須的，因為要威，公司要有面子！所以那些商界關懷Caring Company呢點門面功夫，我們一定要做足！你們以為呢間日本公司，一定係架仔話事？老老實實，佢哋幾年就轉一次職，換一個什麼野都不知道的橡皮圖章來，那會夠我們大家姐來？大家姐話一就一二就二，架仔那有話語權？ 你們看下之前HR搞嘅 “precious moments with Toppan Forms” 我們選貼出來的相，有多少張沒我大家姐份？你們看下每次父親節母親節出來派零食的show，誰行最前面？係我們大家姐！架仔只能笑笑口跟尾。Morning Assemby誰講話先？係我們大家姐！老老實實，作為HR位高權重，除了因為成日有人離職入職要炒人請人，同埋大量不合理流程而來的工作量，同埋大家姐不收工我們不能收工之外，我們比起架仔同MD更大權！有份唱我們大家姐的同事們，搵定工啦！提提你們，記住搵工不要用公司電腦！（補救返，希望我不會被炒）
2021/12/01 at 3:57 pm／／／我想講一個關於自己嘅故事，我之前喺呢間公司做sales，做咗好幾年，雖然成日俾人卒數，公司又有好多唔合理嘅規矩，但打份工啫，應該周圍都係咁，捱下捱下又一日，捱下捱下又一年，幾無理我都忍氣吞聲。但好景不常，上年12月，公司仲有過千萬盈餘嘅時候，借疫情大幅裁員。就喺做冬之前一個星期左右，分咗2-3日，裁咗大約30-40人，實際數字我都唔知，總之個幾日叫哂全世界返工，唔好約客。我係第二日俾人開刀嘅，之前一日，睇住D同事一個一個叫入房，出嚟執嘢走，好似等緊幾時到自己行刑咁，心情極難受！就算最後唔係自己被裁，都唔會好過。第一日最少十幾人走咗。第二日又十幾個，到我嘅時候，我未入房已經喊咗出嚟。HR見到我喊，反應係冷冰冰咁讀對白，內容大概係 “我哋都唔想㗎，希望你出去搵到份好工啦，不過你記住，如果去其他同行，小心唔好講咗D秘密資料，最好咩都唔好講啦，我哋公司好好嘅，搞成咁我都唔想” 然後計埋糧單俾我，話最後一期糧會入返cheque俾我。嗰一刻我終於明白，點解我哋通知期得7日咁少，正常公司想員工走時handover得好D，通常1個月或更多，而家佢炒我魷魚，只需要賠7日糧再加埋我未放嘅大假，加埋都係幾千蚊。我哋公司大部份員工都係7日通知，應該係炒慣人唔想賠。 炒人之前一星期先叫我哋攞哂D pipeline出嚟俾上司睇一次，成日都係咁俾人卒，但估唔到今次係為咗炒人。
見完HR出返去，上司已經準備好紙箱同膠袋，叫我有需要可以隨便用。因為我要即日走，走嘅時候有D凍，我著住件厚褸，拎住一抽二袋好狼狽咁去搭shuttle，一落車喺德福門口我已經踎係地下到喊到收唔到聲，可想而知我壓力幾大，就嚟過節日，被裁。之後幾個月都有自殘傾向，成日想死，之後見心理輔導先好D。而家轉咗工先知Toppanforms係一間幾咁痴線而人工極低嘅公司，希望各位珍惜生命，遠離Toppanforms。
2021/12/01 at 3:17 pm／／／！！各位同事留意！！我是HR食物鏈嘅底層。HR大家姐這兩天知道大家咁多不滿之後好嬲，雖然各位講的是事實，但佢對於大家既然有咁多不滿，做咩唔開心見誠反映？公司管理層尤其HR係好開通！！呢件事佢一定要追究到底！！ 大家都知道身為HR嘅我們除了長睇CCTV外，仲會monitor住大家嘅email同上網記錄，來緊大家姐會聯同GMIS阿頭check返全世界上網record，如果發現大家用公司網絡做呢啲唔適當又影響公司形象嘅行為，一定嚴懲！應該會出warning跟住炒。有份爆料嘅自己好開始搵定工喇！！我而家冒住風險入廁所打呢段提提大家，想爆料記住唔好用公司機！我們一定check得返！我覺得有義務提大家！HR得咁少人，如果聽日不見我，有工介紹請私訊我。。。
2021/12/01 at 11:37 am／／／各位同事好～我係元朗廠嘅代表～多謝你哋早排山長水又遠～挨眼瞓入嚟做義工～我代表管理多謝你哋無償付出～令公司賺大錢～高層年尾分紅全靠你哋！俾D掌聲自己；）
我仲在職～所以會被爆身份嘅嘢唔多講啦～講少少成間廠都知道嘅嘢啦～係事實又唔怕講～係咪？ 第一，之前有人爆呢間公司用強國紙扮日本紙咁賣～其實唔只一次㗎啦～大驚小怪！收就收個客貴一貴，講到自己日本公司好有流程咁～但其實成日用劣質嘢充撐，次貨扮高檔～唔係公司賺咩呀？！公司唔賺錢又點出糧俾你哋呀？！ 第二，入面D嘢，不論流程定係地方都好雜亂～眼見俾客睇到嘅地方好似好好呀～轉角一睇唔到，就已經會張客戶重要資料亂掉，唔見嘢時有發生～～ 第三，廠房會處理機密資料～所以分哂zone～有D地方真唔俾帶電話㗎！公司最注重咩呀？擦鞋丫嘛！呀！唔係～係security呀！好重要㗎（D客話）！！ 但呢個要求只限由九展山長水遠入嚟嘅你哋，同埋parttime～ 對於我哋廠房地頭蟲係無限制嘅～ 尤其上級們日理萬機秒秒幾十萬上落～點會同你呢班閒人比？佢哋中意帶電話入去聽歌打機就要㗎啦！我哋又唔會影低D客嘅機密資料，放心啦！俾心機打字同入信啦你哋，唔好四圍望！打得咁慢我向HR投訴你哋㗎！！ 第四，HR係有請parttime嘅～不過要輪班～佢哋安排時間，要你幾點返就幾點返～半夜要你連續返十幾個鐘就十幾個鐘啦！返夜班都好好㗎～工業區好安靜～有成大約$50個鐘～其間你哋要放低電話（但當然我哋就可以帶埋入去）咁好條件都冇乜人做？證明而家D年輕人幾唔捱得苦！！ 第五，我哋公司好好～每個月都有高層入嚟做morning assemby～一早8：30 就集合哂全公司嘅人大嗌「我哋真係好愛公司」同埋高層會分享～教大家成功之道同點樣擦鞋～點呃個客先搵大錢！拿～唔好話唔教精你哋～又塞錢入你袋喇！ 最後，制服之夜個晚我都有去～有女陪坐係好happy～好可惜我唔係高層～我會再努力學習！我愛 Toppanforms！
2021/12/01 at 1:24 am／／／見各位同事寫得咁詳盡 其實我唔多嘢可以補充，我都係 “被迫瘋狂OT冇補水打字員” 之一，正職係sales。D 上司同HR心理變態嘢我唔重覆喇。
第一我係唔明點解公司迫人返 8：30 但要無限OT。 另外，”被迫瘋狂OT打字” 個段時間，本來我同事（唔係我）係請咗幾日大假，冇旅行去所以清假，一早同另一半夾好日子一齊放假，結果HR迫team頭交人，我同事（唔係我）萬般唔情願，但成間公司全民皆兵追趕進度，加上HR暗示會寫花record嘅壓力之下，team頭答應俾我同事（唔係我）可以延遲放假，因為另一半工作唔可能短時間內改假，亦都唔可以短時間內再連放幾日，只可以再夾過，再遲啲先放。咁我同事（唔係我）就晚晚OT到就嚟家破人亡。個project完咗之後，本身可帶大假個時限都完咗，需要再放個時，同team頭申請補假，佢話要同HR批，HR同我同事（唔係我）講冇呢個規矩，一定唔可以咁樣extra帶假，結果我同事（唔係我）大拿拿5日大假就送返俾公司。～完～
2021/12/01 at 12:37 am／／／被裁人士入嚟講兩句… 呢間公司好中意每隔1-2年就用唔同原因,例如公司重組等原因借故炒人,或者洗橫手用下三流手段逼人辭職…
但又唔可以你飛佢,只可以佢飛你… 我試過好大壓力,日日OT,做到懷疑人生,上司不停否定你,精神折磨!我頂唔順遞信走,當時年少無知,俾HR氹到話會改善問題(請人分擔workload),同埋會俾位我上,年尾review會升職加人工(當時只係5月)… 3個月之後,又真係請咗個junior d 嘅同事返嚟幫手,心諗都ok喎… 結果年尾話重組, 一炮過裁員10幾20人,當然包括我, junior同事就留低執屎……當時個人好失落,覺得點解會係咁,長期精神壓迫加突然失業,搞到我要去睇精神科,食咗幾年藥…但後尾打第二份工先發現,原來自己嚴重underpaid,慶幸我走咗去咗間正常人公司,而家過得好開心,諗返起先覺得 原來之前間公司咁撚痴線D人,尤其HR!! 呢間公司壞事做盡,紀錄累累,大家可以google 「Toppan Forms 平機會」,就可以搵到佢欺壓孕婦嘅證據,而呢個只係其中一個事主堅持先俾大家見到嘅案例,其他壓榨員工例子多不勝數!伏工指數10/10,希望呢D公司早執早著,唔好再喺度遺禍人間!
2021/11/30 at 9:11 pm／／／由於呢度已經喺我公司同事及舊同事之間炒到熱辣辣，身為被壓榨得最慘嘅sales底層代表，點可以唔投稿！
1. 呢間公司 極度人治同階級觀念，總之職位高過你 就可以指住你嚟鬧。 試過有新仔sales無啦啦俾management大大聲鬧佢廢柴冇鬼用 鬧到喊。。。。。。
2. 無論你幾點見完客，就算6點先喺個客到走都好啦，都必需返公司打卡，同埋要每晚同柴頭review你今日做咗啲咩。。。。。。
3. 每日要填timesheet交俾HR，佢哋會續個item睇你用幾多時間，會續樣卒「點解呢樣嘢需要做咁耐」。。。。。。
4. 每個星期卒數大會，HR大家姐會坐埋入房一齊卒，問嚟問去不外乎「點解會冇數」，但唔會有實際suggestion。。。
5. 逼你日日打俾個客R單，明明尋日見完，今日要即刻打，後日再問點解未有單返，煩到個客唔再聽你電話，唔覆你email，然後再問「點解會冇數」。。。。。。
6. 計sales commission制度有問題，好亂，會不停搬龍門。。。 本身門檻set到好高，就算你好彩到數，佢都會乘機話「唔係咁計」而克扣（之前接打字張單嗰位同事，俾佢哋扣到近乎冇comission咁滯，得返幾百蚊，同management拗咗一輪 都係話「呢張單你唔值得賺咁多」而無理克扣！過多幾個月嗰位sales就遞信走），呢張單明明公司賺超多，實際數字唔講啦 因為我仲在職，但淨賺超過6位數。。。。。。
7. HR真係心理變態，佢會當所有同事都係犯，要長期監察。。。而所有辭職嘅同事都係出軌＋家暴嘅人咁看待，處處留難。。。。。。
8. 試過有同事離職（因為頂唔順晚晚6，7 點先嚟開無聊會） 一辭職就俾HR捉入房警告，話你而家走 嗰Q comission一蚊都唔會出俾你，同事唔理$照走。。。 之後知道嗰位同事會去個客到返工，佢又警告佢 唔可以泄漏商業秘密，唔係就會告佢云云，會保留追究權利（但個位同事去個客到，唔係competitor到，D嘢全部係個客俾，真係唔知有咩係你知 但個客唔知）嘈到個客都知，好on9。。。。。。
9. 另外有同事離職，新工係一間銀行 一定要reference check，我哋HR特登唱衰人。。。好在本身份新工有人介紹＋有客戶保薦（個客同時係新公司同舊公司客戶）先過到關。。。。。。
10. 除咗睇大門CCTV捉食早餐/遲到早退/食咗幾耐lunch，pantry都有裝CCTV，HR會好似實Q咁長期望住有冇同事喺pantry吹水，會私下同你manager反映。。。。。。
11. 成公司擺滿HR用$買返嚟嘅獎同雜誌訪問，好核突。。。。。。
12. 間中就炒一堆人，隔幾個月再鑑平鑑賤 請D平好多嘅新人返嚟，恰人唔知份工伏，正常人返一陣 D嘢未上手就會被嚇走，turnover極高 job ad 長post。。。。。。
13. 炒人嘅其中一次 炒埋個清潔姐姐，再另外請個parttime返嚟，只係會幫management倒垃圾，其他同事需要自行清潔同倒垃圾。。。。。。
14. 公司冇水飲，成公司得一部filter水機，而嗰部平價水機好污糟（肉眼可見 入水管發黃），每team同事自設水站買水/水煲。。。。。。
15. Finance claim$ 冇制度可言，要填紙，但多次整唔見張form同正本收據話冇見過，乘機唔俾返錢同事。。。。。。
16. 成日要同事做同工種不相乎嘅嘢，例如打字，入信，拆信，貼label等工廠嘢，因為長期唔肯出好價錢請人，就搵公司同事笨 要一人身兼數職壓榨到最盡。。。。。。
（申利：搵緊工，同其他同事鬥快走）
2021/11/30 at 7:05 pm／／／如果呢個page早一兩個月開，我就唔駛中伏去見工，浪費車錢同時間！！
份工本身要求多多～ 請個 IT Engineer 要大學畢業＋8年經驗，cert要有PMP，Agile，Scrum，ITIL，CISSP，CCNA，CCNP，MCS～
要識Infra，Solution，IT services，Data Centre Services，Web，App，Saas，DevOp，Security，Cloud，Document Management，RPA，CRM，Networking，VPN，Exchange，Cisco，Sophos Firewall，Enterprise Switch，.NET，SQL，SharePoint～
咁我嗌價呢，係比上一份工只係高15%，見工嗰時有個長長地直頭髮，西口西面嘅女人（唔知係咪就係大家姐？），個樣好似我前世殺咗佢冚家咁嘅口面，全程西住面in我，問題完全係白痴嘅，例如兇神惡殺咁問「你覺得我哋請咗你，你會點樣貢獻到公司？」 「點解你覺得自己值呢個人工？」之類～ 除咗叫我自介之外，問咗 4，5條都係呢種問題，對於我過往工作完全唔識問～ 咁算啦，HR啫，IT專業嘢 你唔識問都正常啦～ 之後嚟個 IT GM，話係 dept head，目測 50歲左右嘅男人，問嗰D問題同樣白痴，例如「我哋有時要去個客到做support，你住天水圍咁遠，咁如果個客喺天后，你點樣make sure你唔會遲到？」。。。 O哂咀！可唔可以唔好咁痴線？！係咪住天水圍嘅唔可以返港島㗎？！ 隔咗2個星期，HR打嚟，一開聲 就話我太貴，佢哋俾唔起，offer我一個低過而家份工20%嘅價錢，佢話佢哋check過市價，都係差唔多，已經approve多咗，問我做唔做？ 我禮貌地話唔考慮，然後佢同我講佢公司好有前途，日本上市，係好大間公司，有晉升空間，福利好好，講到唔做係我走寶咁。 最後我話 真係唔會諗喇，然後佢byebye 都唔講就cut我線。。。
2021/11/30 at 5:07 pm／／／見到前面有人講我公司，好驚喜！點都要補充幾句。。。
HR變態係事實！！！ 有次我要去銀行搞D野，食晏去，返到公司個時 2:15 ，係lift口撞到HR大家姐 （就係前面舊同事講，個位會逼女下屬陪日本佬坐同飲酒嘅大家姐）
當時佢笑笑口問「乜咁晏先去食飯呀？」 我話「係呀，有少少野 襯食晏搞」。。。
之後第二日，佢約我同我上司入房，話check 左cctv，我個日 12:32已經出咗去， 2:14先返到公司唔岩規矩，叫我注意，下次再發現就會出 warning同扣糧！！！
另外，逼全職同事去打字單野，我都有份，（應該係全公司都有份）！！
無奈我呢D小薯仔敢怒不敢言，唯有收工再衝去OT（所謂補錢，係連搭車都唔夠）
個個月根本係折磨，而家諗返走都有陰影！！ 因為個project有deadline，佢一追唔到進度，就會逼你留到凌晨！日日如是！ 日日全職收工之後，就要去工廠打字同拆信。 而且佢要處理有客戶敏感資料嘅信件，所以話俾帶電話入去做野，不見天日。。。 但個leader 就係度打機，剩係 mon住大家打左幾多份，太慢就開咪警告。 （又話唔俾帶電話！但leader同 HR都照帶電話！）
有一晚話進度太慢，HR大家姐特登入嚟工廠訓話，話公司而家好需要你哋，大家共度時艱。。。 然後唔俾大家走，要打到乎合進度先，唔係會影響公司，年尾份apparsal 如果你評級唔好，唔好問點解。。。 結果好多同事留到凌晨 1，2點，第二朝再 8點半返公司打card。
喺工廠拆信其間，又八到好多野，例如有高層同某工廠女下屬搭上，之後HR大家姐捉住呢點， 逼個位高層做好多政治任務，拿渣野（為左爭上位，幫佢手排除異己），完事之後 就屈個位高層性騷擾下屬逼佢辭職。。。
仲有好多野八，但因為我仲未走到，所以好多內部野唔敢寫，等我辭職之後再爆多D。
2021/11/29 at 11:30 am／／／呢間公司 HR 同 management 絕對痴銀線！
人工勁低，絕對低於市價，之前同team同事（已辭職）喺公司做咗 8年，都係fresh grad價。 然後老屎忽manager 會話俾嘢你學，叫你唔好咁計較，呃呃氹氹話俾位你上，然後一年就賴呢樣 下年賴個樣，拖下拖下。 （8年同事搵份新工，人工高一倍 ！）
捉人有冇遲到不特止（要返 8:30），HR 會捉同事入房傾，質問「呢排係咪好得閒？點解唔駛OT嘅？點解咁早走？」，仲會 check CCTV 睇同事有冇打完咭落去食早餐。 （Sales 同事仲慘，每日 6pm 先嚟 review 每日做咗 D 咩，call 咗咩客，填返 timesheet 俾 HR，係每日！ 通常佢哋最少 8pm – 9pm 先收得工，好多時再晏，而且留低唔係有緊要事，而只係俾人卒「今日做咗D咩」）
HR 會俾錢買 D 咩濕9 Best HR 獎，放到成 office 都係打飛機，然後cut筆直 炒L咗清潔姐姐，要同事自己倒垃圾。 又Cut 哂成公司水機，成公司得返一部 filter機，搞到條條team 要喺自己位整個水站煲水飲，或者自費買一大樽水。
HR阿姐仲會喺公司飯局迫自己旗下女同事 同日本人老闆影相（之前 annual dinner搞校服之夜，要D女同事著校服 陪日本老闆坐，迫飲酒同影相）
之後接咗個 要大量打字嘅政府job，明明仲有水位，仲有好多$賺，但 HR 只肯出低價請parttime，然後話唔夠人手，迫其他同事（包括 sales，support，marketing，procurement 等等）， 總之全世界去元朗廠房 做打字員。聲稱自願，但講明唔做就會寫花你，仲要正職收工之後嘅時段入去打字（夜晚 6pm – 11pm） 然後借頭借路唔補水。 打字個度超刻薄， 完全冇食飯時間（收工一定要打咭，然後預半個鐘衝入元朗，打字打到夜晚11pm） 亦都冇得 claim 車$ （通常幾位同事會夾埋打的，但冇得 claim，通常 team頭俾$） 打字打得慢仲會俾人開名鬧。 11pm 元朗工業村收工（冇車走，要call車，冇得claim），第二朝再捉你 8:30 有冇準時返工。 仲要借D義 cut咗個 sales commission，話呢單嘢佢賺得太多。
公司手法同信譽極有問題，完全冇專業操手可言。
procurement試過用中國貨當日本貨賣，亦會迫同事圍標，然後出事就炒個𡃁仔祭旗。
https://www.hk01.com/社會新聞/705089/四入信機公司涉合謀定價-受查即願與競委會合作-成首宗和解個案
以上只係冰山一角，仲有好多嘢，呢間公司HR 真係勁仆街，management 賤過狗！
已裸辭。
