我個Manager早排買咗樓，keep住講咗成個禮拜，其實冇人想知，佢又係咁叫我哋上去坐，根本冇人想去。
今日佢又再語出驚人：「趁而家入市啦，你哋唔覺30幾歲人仲要租樓好失敗咩？」
我真係忍夠：「咁你四五十歲仲要打工咪仲失敗……」
班同事嘴角上揚又唔敢附和，無所謂啦，最緊要係Manager聽到我咁講之後就收聲。
呢鑊佢肯定mark落小器簿㗎喇，咁我真係唔覺得你買咗樓就代表好叻喎，又唔係一炮過，嚟緊要供廿幾三十年，供完都有一定樓齡啦！
一個唔覺意畀人炒咗又徬徨，做得唔開心都要死捱，每個月要供樓呀，話轉工就轉工咩！孭住長債咁多枷鎖，究竟你叻喺邊？
係，上咗車可能會安心啲，但都唔需要踩啲租緊樓，或者冇物業嘅同事吖。
人各有志，個個都以買樓做人生目標咩！