醉駕,即係無差別隨機殺人!

有個舊同事之前幫個客請倉務主管,見完個candidate之後覺得工作經驗好啱,因為對方真係做過幾年相同類型工作,不過佢有案底,期間一段時間係空白,所以就開門見山同個客講,問佢介唔介意?

客:「我哋倉都有工人後生嗰陣衰過偷竊,主要睇性質啦,可以嘅話,應該畀機會佢哋改過,最緊要睇下咩事,如果係殺人放火同埋性罪行,我個人嚟講就唔ok喇,個candidate唔係真係殺人放火呀?」

「哦,唔係,佢之前醉駕。」

客:「Sorry,咁唔得喇,因為喺我眼中,醉駕,即係無差別隨機殺人。醉駕但係冇撞到人,其實只係無差別隨機殺人未遂。」

聽完同事覆述個客嘅見解,「醉駕,即係無差別隨機殺人。醉駕但係冇撞到人,其實只係無差別隨機殺人未遂」,呢兩句說話深深印喺我腦海直至而家。

8年前嘅《低俗喜劇》裡面,鄭中基對住杜汶澤講過:「驚X咩,你喺北海,飲醉酒片車,撞死人,你響我暴龍哥個朵,一啲事都冇。」2020年嘅今日睇返,覺得呢套電影好有前瞻性,難怪咁多年後仍然百看不厭。

error: