《讀者投稿》我做商場嘅客戶服務，其實咩職業唔關事，只係我早兩日去廁所嘅時候，有個坐輪椅嘅人士去到殘廁門口，正常地用個輕觸式感應開門，點知入面有個女仔正在如廁，佢本能反應嚇到成個彈起，但係條底褲又退到落膝頭哥嘅位置，變相成個下體畀人睇晒。
當時去廁所嗰條路好多人，有男有女來來往往，而且殘廁道門係向橫自動敞開特別大，所以真係乜都睇晒🤦🏻♂️有啲阿叔都幾衰，真係企定定喺度望。
嗰個女仔嘅反應係想嬲又唔好意思，佢應該覺得自己佔用咗殘廁，所以我聽到佢好細聲講咗句有冇搞錯，然後自言自語話點樣鎖門。
我即刻埋去用身體盡量遮擋（我都係女仔），然後教佢撳邊個掣同埋轉咗乜嘢燈就等於lock咗。
其實比較新或者grand嘅商場已經用緊輕觸式感應殘廁門，我會盡量勸你用正常廁所，畀真係有需要嘅人用殘廁，如果冇辦法，都要自己check清楚係咪鎖實，因為聽返商場同事講，同類型事件已經唔係第一次發生。