我一直對自己公司個名好confused，因為睇job ad搵工嗰陣，公司名明明係rde xxxx company，樓下水牌亦係rde，不過上到嚟門口，reception後面個logo就變咗red，唔緊要啦，或者有典故呢！
後尾走去問Manager究竟公司名點讀？係咪好似MTR、HSBC、FWD呢類簡稱？佢話唔係，原來公司應該叫red xxxx，但老細當時搵人搞商業登記嘅時候串錯咗rde，同步仲搞埋公司印，又一次過印咗好多卡片，老細覺得改名又要搞手續，又要通知稅局，開銀行戶口仲要kick住，總之就嫌麻煩，將錯就錯直接叫rde xxxx company，所以rde係冇得解……
另外，reception後面個logo係搵另一個人跟，呢個冇串錯字，但又同水牌唔一樣，老細話整咗唔好嘥，照用喎！
我同Manager講：「公司名咁重要，點解一早唔更正返呢？」
Manager：「呢啲好小事，我係第一批入嚟，畀你睇下我張卡片。」
接過Manager遞畀我嘅卡片，硬係有啲怪，望真啲……唔係啩！大大個公司名印住compnay？
我：「乜咁搞呀？」
Manager：「淨係搵到一個錯處？見唔見呢度？buisness呀！老細話印咗成千張，唔想嘥錢再印，叫我哋派完先，不過張卡片錯成咁，樣衰到唔想派，我一直冇帶出街。」
CLS
其實卡片值幾多錢呀？