上星期去interview，對方HR問：「你仲有冇見緊其他工呀？」
唔知大家有冇遇過對方咁問，而我同日的確有另一個interview，所以就照直講：「有呀！」
對方聽到之後好大反應：「吓！嚟我哋呢度見工仲去in其他公司？」
嗰一刻我突然有種感覺，究竟眼前個HR係咪我條女呢？點解佢嘅語氣好似話緊我已經有女友，但仲約其他女仔出街，我係咪出軌呀？你未請我㗎喎！見第二份工都唔得？
咁我問返佢：「你係咪請我？係咪即刻出offer？如果係呢，我晏晝份工可以唔去見㗎！」
對方聽到之後打咗個突，好尷尬咁笑住同我講：「我哋仲有幾個人會見，冇咁快有結果。」
我隨即再問佢：「吓！約咗我見工，你仲約其他人interview呀？」
其實我知此話一出，份工肯定凍過水㗎喇，不過當時如果唔係咁講，我驚自己會chok度氣呀！