每個人都有一個周期性嘅低潮，上星期先安慰完一個朋友，今日輪到自己。呢種低潮未必係因為遭遇到重大挫折，更多時候只係太忙，集中力被過度消耗，總之逢親有呢種感覺，你係咩都唔想做，甚至係咩都冇心機玩，覺得冇嘢值得等待，最想收埋自己喺山窿裡面同世界脫軌。
呢種因為過度透支而出現嘅低潮，有時維持一日，有時幾日，有時一星期，無藥可救，又會不藥而癒。
頭先有長輩問我：「點解細佬結咗婚都唔計劃生育？點解我又唔早啲結婚生小朋友？」
我已經冇心情答佢，只係淡淡然覆咗一句：「坦白講，唔好話生育，有時連生存嘅意欲都冇乜。」
希望冇嚇親佢。