有個舊candidate因為升職想請我食飯，可惜冇晚市，Lunch又就唔到時間，唯有再等多一排先。
佢份工係我介紹，仲記得interview嘅時候佢咁講：「我有案底，不如算啦，你個客實唔會請我。」
佢話剛剛畢業嗰陣少不更事，有次因為親細妹畀人撩，先爭執後出手，被控蓄意傷人罪，認罪後罰款同埋留案底。
「好後悔後生咁衝動，如果可以返去以前，我一定唔會出手，精人出口，笨人先出手。」
我：「諗嚟做咩？冇人可以返去以前，但所有人都可以由呢一刻重新開始。」跟手我send咗份CV畀個客，最後請咗佢，一做就5年，而家仲話升職。
爭我一餐咪走數。