成世仔未試過屙屎咁大壓力

成世仔未試過屙屎咁大壓力。

一入院，姑娘已經叫我飲晒兩大壼瀉藥，凌晨前隊晒，因為要屙清屙淨先入手術室。

我拖到夜晚都未飲，姑娘1號入嚟見到就話：「哎吔，仲未飲呀？一定要飲晒佢㗎！」

死死地氣去飲，甜嘅，飲完想嘔多過想屙，姑娘2、3、4號再輪流入房催我屙屎🙈

去到半夜先有便意，姑娘5、6、7號又繼續追我屙屎🤦🏻‍♂️

諗起以前做sales跑數，又諗起平時畀啲客催稿，再諗起每逢連載都畀你班友仔催下集，原來呢啲都只係碎料，遠遠唔及屙屎咁大壓力。