同事食完飯漏低咗部電話，返到公司先發現，即刻趕返餐廳去拎，不過去到已經冇咗。佢好肯定係漏低喺度，因為叫嘢食之後打咗畀個客，我都有印象。
借部電話畀佢打畀自己，竟然有人聽，根據佢描述：
「喂，你係咪執咗我電話？」
「係呀，好在係我執到咋。」
「唔該晒你呀！好在咋…」
「如果係第二個人執到，一早畀返你喇。」
跟住就cut咗線，再打已經熄機。
我知佢好慘，但我聽完忍唔住笑咗一聲，對唔住，而家盡一點綿力，執到嗰位仁兄，還返個電話畀人啦！佢好多重要資料架，唔好咁陰公啦！
