女同事有暗示 後悔當晚冇順住個勢

講咗重點先,我38歲,單身,嗰位女同事就25歲,據聞甩咗拖。我哋足足有成13年差距,而且佢平時喺公司嘅行為仲係超級小妹妹,所以我從未對佢有任何超越同事關係嘅幻想。

有次其他同事各自約咗人食lunch,得返我同佢兩個,喺公司沿路行去餐廳嘅時候,大家好似往常咁傾計講笑,講講下就話老細轉咗佣金制度,之後份糧變相少咗,嗰位女同事無啦啦講咗句:「下個月唔夠錢找卡數,真係要做PTGF先掂。」

佢講笑,咁我咪講笑囉:「咁大鑊? OK,我幫襯你。」

點知佢又接住:「係咪㗎 ?我認真喎!」

笑住講,笑住答,鬼信係認真咩!然後我哋傾下傾下都講咗第二啲嘢。

我發誓當時都仲未對呢位女同事有非份之想,佢唔係我鍾意嘅類型,咁我亦肯定佢唔會鍾意我,因為年紀差太遠。

不了了之,又過咗一排,某日放工咁啱同佢一齊走,當日適逢公司派糧單,大家好自然咁講起錢嘅話題,女同事突然又重提:「都話要做PTGF㗎啦!你係咪認真啫?」

佢由始至終都係笑住講,咁我咪奉陪囉:「認真呀,係咪堅先?有咩服務?」

女同事:「你想要咩服務先?過夜吖,一萬蚊。」

我:「嘩,你畀返我呀?」今次又係笑住咁完結話題,我到嗰一刻仲未真正上心,都係嗰句,公司大把靚女J,呢位女同事雖然得25歲,但完全唔係嗰啲標準靚女,唔醜,亦唔突出。

我同佢第三次講呢個話題,係有一晚食飯,包括我同佢在內,total 有4位同事,嘻嘻哈哈食完就走,行去搭車嘅時候淨返我同佢,嗰位女同事又嚟:「頭先嗰餐勁貴。」

我:「Ok啦,4個人嗌咁多嘢,又叫咗幾轉清酒,差唔多啦。」

女同事:「你份糧梗係OK啦,我找完卡數冇晒錢喇,你又唔搵我做PTGF。」

可能係飲咗酒嘅緣故,今次我動咗邪念,但你要明白,呢啲嘢女仔講就話講笑啫,男仔get錯就隨時畀人告性騷擾,所以我嘗試用另一種問法去confirm:「妖,你再咁講我就當真㗎喇!有咩所謂先,30幾歲大叔,難得食到個細我十幾年嘅妹妹。」

女同事:「都話認真。」

我:「好呀,咁而家去爆房吖!」

女同事:「你屋企有冇人?」

我:「我同屋企人住,附近時鐘囉!」呢個試探去得好盡啦!

女同事:「時鐘咁dirty,酒店啦!」

我:「咁夜點book酒店呀?」我估其實有錢就幾點去酒店walk in都有房,但我想整理下思緒。

女同事:「下星期囉!」

我:「咁我book完酒店話你知。」

女同事:「唔好book啲咁cheap嘅酒店呀!」

我:「Rosewood好唔好?」

女同事:「梗好㗎,一萬蚊過夜喎!」

我:「驚你呀!」

嗰一晚我返屋企真係諗咗好多嘢,解釋吓自己嘅思緒有幾複雜先,1)我反覆喺度諗女同事係玩嘢定認真,會唔會book完酒店之後,佢就笑我然後周圍唱呢?2)我好自責,點解唔即刻walk in或者上網搵酒店,因為話題都已經打開咗,頭先順勢去做就夠晒自然啦,當時得我同佢兩個,而家又要再特登講起,特登去約,真係尷尬到暈。

跟住落嚟嗰幾日,我哋係冇再提過呢件事,我冇撩起,佢亦冇再講起,加上唔係成日有機會剩低我同佢,過夜單嘢就不了了之,我好嬲自己嗰一晚咁猶豫。

冇錯,一萬蚊可以有好多好選擇,但你明唔明咁樣同個女同事爆房係一件好刺激嘅事,可能一世都唔會再有第二次機會,而家佢提都冇提,究竟係一開始已經講笑吖?佢已經找晒卡數吖?定係等緊我做主動呢?有冇咩建議畀我?

投稿:心急人

error: