女友阿爸的大陸料理(1)─情侶座

是咁的,之前一次speed dating活動,我撮合咗一對男女,拍咗拖兩個月左右啦,然後個男會員頭先打畀我:

「聽日年三十上佢屋企食飯,順便見埋家長。」

我:「恭喜恭喜,咁快就見家長,緊唔緊張呀?」

「我而家想唔去呀,有冇辦法?」

我:「咩事縮沙?你唔愛佢喇?」

「唔係,啱啱女友話佢老豆好開心,特登返大陸買咗走地雞,仲有羊肉,準備聽晚整羊腩煲,我驚中病毒呀。」

你哋識唔識老人家係鍾意喺大陸買餸落嚟?過到關㗎咩?

我:「咁…都明白既,而家點算?」

「我就係打嚟問你點算?」

我:「直接講唔想食大陸街市啲食材唔得咩?」

「講咗,佢話老豆只係間唔中上去買,今次仲係特登買嚟煮畀我食,強調只係深圳買,唔係武漢,唔會有事。」

我:「咁你得返兩個選擇:A)驚閪呀,照上去食囉!B)扮病,不過今晚要開始交戲。」

「有冇C?」

我就冇喇,你哋如果有plan C,不妨提供寶貴意見,打救下我呢位男會員,在線等。

Photo credit:NOW新聞

error: