見工，1 vs 3，對方分別有一個HR同埋兩個「應該係經理」一齊in我，冇乜所謂嘅，呢種interview我都試過，問題係進行緊interview嘅時候，嗰兩位經理竟然鬧交，最後搞到我連見嘅機會都冇埋，求職變勸交，真係有今生冇來世。
嚴禁轉載聲明：本網站所存在的一切知識產權，屬於我們所有，或已合法地特許給我們在本網站上使用。由適用法例所授予的一切權利，茲在此予以保留。除我們給予特許外，閣下不得以任何形式及方式，創立衍生作品、下載、翻印、複製，或節錄我們的故事內容放在其他網站圖利。
兩個經理鬧交嘅始末係源於其中一個問我：「可唔可以具體講下你上一份工要負責做啲乜？」
正當我準備回答時，另一位又問我：「你對上兩份工之間有9個月冇做嘢呀？係搵唔到工定係點？去咗進修？」
我猶疑咗一秒應該答邊個先，佢兩個就開始嘈：「你唔好閘住我條問題啦，你畀佢答咗先吖嘛！」
雖然唔知佢兩個邊個打邊個，但為免對話混亂，以下我就用A經理同B經理去區分。
B經理：「閘咩住你啫！人哋CV都打得好清楚份工係做啲乜啦！反而佢CV冇寫點解有9個月時間空白吖嘛！」
A經理：「我唔係話唔使答你嗰條呀！而家係我問先㗎，CV寫嗰啲係普通描述，我想知具體呀！」
好在HR仲識得控制氣氛：「不如咁啦，答完上一份工做乜，再答嗰9個月嘅問題啦，逐樣逐樣嚟。」
咁我照答啦，但係發現兩位經理已經唔多對路，互睥不特止，A經理仲丟筆，唔使咁呀？
再落去就演變成小學雞意氣之爭，B經理問：「你加拿大讀書返嚟喎，有冇諗住第日再返去？嗰邊節奏慢好多，係咪覺得香港樣樣嘢都好趕？」
A經理：「你問埋啲多餘嘢做咩啫？加咩拿大呀又，佢而家喺香港見緊我哋公司，問返香港啲嘢啦！加拿大加拿大！」
B經理：「我問啲咩又關你咩事呢？我問得一定有我嘅目的啦！」
A經理：「九唔搭柒！你唔問L埋人哋讀邊間幼稚園？多L餘！」
嗱！我都講粗口嘅，雖然A經理唔係鬧我，但interview呢啲場合無啦啦爆粗就唔係咁好啦！點估到B經理都不甘示弱還拖。
B經理：「你都戇L柒鳩，比喻錯L晒，知唔知自己講緊乜呀？佢加拿大返嚟係幾年前嘅事，講咩幼稚園呀？」
A經理：「而家我有問佢幼稚園咩？我就係想話你知，你啲問題好白痴呀！」
B經理：「白痴得過你？唔識點做interview就唔好行入嚟啦，阻L住個進度！」
A經理：「我屌你老味啦，邊L個阻住進度呀！」
點解呀？我見緊工喎，你兩位可唔可以冷靜少少？我唔係見爛仔公司喎！好歹都係灣仔區吖，你兩個又著晒西裝咁，有必要你一句粗口我一句粗口咁溝通咩？
佢哋雖然冇打交，但真係嘈到面紅耳熱，我同個HR要做和事佬嘅角色，係咁勸佢兩個唔好嘈，我嚟求職仲要勸交，我都唔知究竟發生緊咩事，我係邊個？我喺度做緊咩呀？
我同HR都冇辦法勸得掂，兩位經理依舊不斷互屌，你哋不如出去隻揪啦！
HR呢個時候做咗個決定，就係向住我講：「唔好意思，我諗今日到此為止先，你走先吖，我再通知你。」
喂，我無辜㗎喎！嚟見工咋喎！我未見完㗎！我講嘢前前前後後加埋冇5分鐘，佢兩個互屌就起碼15分鐘，咁即係點呀？仲in唔in呀？下次補返個first in定係點？腰斬個interview呀？
而家都兩個禮拜喇，我仲未收到個HR打嚟再約時間，有冇人可以話畀我知發生咩事呀？
不過認真講句，唔好話請我，就算個HR叫我再上去interview，我應該都唔會去喇，明眼人都睇得出你哋公司氣氛係幾咁……同埋嗰兩個經理似係積落好多恩怨，in人in到咁唔專業，下次留返畀HR一個人in咪算囉！呢間公司簡直係笑料！（完）
借個位呼籲多次，《辦公室日報》嘅YouTube真係好需要大家支持，希望以後除咗文字之外，仲可以制作多啲影片去探討職場百態，最新嗰集睇咗未先？記得Follow、Comment、Like、Share《辦公室日報》嘅YouTube，有您嘅support，我哋先有推動力行得更遠。💖
