有個同事成L日喺公司叫人請食晏，口頭禪係：「你人工咁高，請食飯啦！」
有人會一笑置之，亦有人覺得冇所謂，加上唔好意思推，真係會請佢食飯。
其實請你食個lunch好閒，但唔好日日問吖，好煩㗎！同埋你點知我人工高過你？
今日佢走去搵我大佬（上司），循例呢句開場白：「Samuel哥，你人工咁高，請我食飯啦！」
Samuel完全冇思考就答：「你條女咁靚，請我錫兩啖，玩返晚吖！」
個同事窒一窒機：「吓…關咩事呀？」
Samuel：「咪係囉，咁我人工高過你，又關你咩事呢？」
Samuel你會唔會寸得滯呀？
