我老細……
「阿邊個，你幫我去嗰度拎份嘢嚟。」
我：「邊度？」
我：「嗰度即係邊度？」
老細終於肯用手指一指會計部：「嗰度呀！」
我：「拎份咩？」
「拎嗰份嘢呀！」
我：「嗰份嘢係咩呀？文件？」
「係呀，拎份文件呀！」
我：「份文件有冇名㗎？我唔知點問會計部喎！」
「你問佢哋就知㗎喇！」
結果我行去會計部，冇人知我講咩，唯獨有個會計部嘅同事畀咗幾個file我，叫我拎晒去畀老細睇，好在5個file裡面有一個係佢要嘅嘢，正當我以為老細有語言障礙嘅時候，我阿姐臨放工走嚟同我講：「老細話你有啲蠢喎，講極都唔明。」
我：「吓！佢頭先係咁呢個嗰個……」
阿姐：「唔緊要啦，佢叫我同你講，下次要醒目啲。」
哈，原來係咁，有語言障礙嘅老細已經原諒咗我，多謝晒！