我兼職揸Uber，今日車一對約莫40幾歲嘅男女（應該係兩公婆）去機場，就到嘅時候我問佢哋：「搭邊間航空公司呀？」
男乘客即刻扯火：「關你L事呀！」
😦😦😦
女乘客：「你冷靜啲啦！」
男乘客：「冷咩靜呀？憎人富貴厭人貧！知你搭廉航咪睇你唔起囉！搭日航咪收多你幾蚊貼士囉！」
我：「我冇睇你唔起，想停喺方便你個入口啫。」
男乘客：「香港機場有幾大呀？我唔識行呀？方便？搭邊間航空公司係我私隱！」
女乘客：「司機，香港快運，唔該！」
個男嘅即刻鬧個女人：「你同佢講做乜啫！呢啲狗眼看人低！」
搭Uber搭的士去機場，好多司機都會順便問句邊間航空公司，方便你推行李直入啫，冇人睇你唔起，放鬆啲啦！