唔知大家有冇試過咁樣嘅見工經驗，7月中嘅時候我去咗間公司interview，例牌動作填form、入房、自介，有個Manager同個HR一齊見我，Manager開始時已經同我講：「呢個position你要有心理準備，算係replacement嚟嘅！」
嚴禁轉載聲明：本網站所存在的一切知識產權，屬於我們所有，或已合法地特許給我們在本網站上使用。由適用法例所授予的一切權利，茲在此予以保留。除我們給予特許外，閣下不得以任何形式及方式，創立衍生作品、下載、翻印、複製，或節錄我們的故事內容放在其他網站圖利。
我：「其實new position或者replacement都唔緊要，都明白公司係有同事走，先要請返個人代替。」
Manager：「唔係嗰種replacement，我交畀HR解釋。」
HR聽到指令後就同我講：「因為我哋之前in咗個男仔，傾好晒諗住請㗎喇，點知佢話屋企有事，本身7月20號返工嘅，而家話要8月8先得，佢咁講啫，真係返梗係無所謂啦，如果到時先嚟話唔返，我哋咪要再搵人，搵得嚟已經8月中8月底，一陣candidate仲要一個月通知，咪9月先有人返工？咁我哋而家就要搵定個後備先。」
其實我係咪應該讚呢個Manager同埋HR老實呢？
Manager又補充：「我見你quit咗舊公司，暫時未有工返㗎嘛，所以我呢度要視乎嗰個男仔8月8係咪真係返，換言之你要等差唔多一個月先知結果。」
HR：「我哋打算8月頭就call佢，希望約佢上嚟簽約先，所以你可能唔使等到8月8咁耐，如果佢8月頭唔上嚟簽約，或者可以早啲confirm你。」
Manager：「所以你記得暫時唔好見其他工，最好等到8月8號，8月9號咁上下。」
感激佢哋咁坦白，同時都覺得匪夷所思，你咁樣叫candidate唔好搵其他工，請問邊個會應承？每個人都要開飯，每個人都有支出，唔係靠光合作用生存㗎，你哋驚8月先再請人會趕唔切，我又唔驚一個月後先再搵工會冇錢用呀？
不過一場上到嚟，加埋我心態上已經放棄呢份工，所以冇咩包袱，我唯有當呢次interview係一個練習。
可能係冇壓力嘅緣故，其實我覺得自己發揮得唔錯，睇得出個Manager同HR好滿意，仲公然喺度討論我。
HR：「呢個唔錯喎，你會唔會諗下先？咁你唔使等個男仔咁耐。」
Manager：「睇下個男仔點先啦，你唔係話8月頭搵佢上嚟簽約咩？簽咗約就穩陣㗎喇！」
HR：「個男仔話屋企有事，唔知行唔行得開喎！」
佢兩個真係當我透明㗎喎！講真，我認為個男仔都係騎牛搵馬，又或者手上唔止一個offer，隨時係試完其他工先考慮做唔做你呢間，不過聽得出個Manager係當呢個男仔首選。
我的確有少少被hurt嘅感覺，講到明係Replacement，仲要等成個月先知有冇機會做替身，換轉係你灰唔灰？我覺得無論係任何關係都好，冇人會希望做後備。
然後7月底個HR打嚟同我講：「嗰個男仔過兩日會上嚟簽contract，唔好意思呀，咁你可以搵其他工喇。」
真係……你嬲唔嬲呢間公司好呢？佢哋好有交帶呀，不過咩叫「咁你可以搵其他工喇」？你又唔係請我，我搵唔搵工要得你批准？
不過上星期五我又再收到呢位HR嘅電話，佢話嗰個男仔最後冇上去簽contract，應承8月9號返工先至簽，但係8月9 no show，再之後就搵唔到人，跟住問我：「你即刻返工有冇問題？」
我：「有問題呀，我返緊新工喇！」
HR：「哎呀！點解咁快呀？你而家份工offer點呀？應該唔係返咗好耐啫，會唔會考慮過嚟我哋公司？嗱，勞工法例我好熟嘅，你而家辭職今日通知，聽日走得，你仲可以嚟我哋呢度喎！」
我：「好呀，咁我考慮下先，唔好介意我當你份工係後備，我返多一個月睇下自己感覺點，到時如果唔適應先至take你個offer，9月頭吖，9月頭我有答案㗎喇。」
我答得好唔好呀？初時仲以為佢哋好坦白，肯直接講我係後備，而家諗返先知呢啲唔係坦白，係自私，佢哋等得就等啦！（完）
幫舊同事做姊妹有後續比悲傷更悲傷的事｜新娘：婚禮好後悔搵你哋，不負責任，離間我同老公
https://youtu.be/g1E8u-LH7Dc