啱啱睇完你最新YouTube講《東張西望》，我有預感老細都隨時會上東張，因為早排有個女同事忽然問我哋：「老細係咪好爛賭㗎？我聽到佢玩埋啲線上賭場呀！仲要講普通話。」嗰陣時我哋成班同事都唔知佢講乜，再問清楚啲就明喇！
嚴禁轉載聲明：本網站所存在的一切知識產權，屬於我們所有，或已合法地特許給我們在本網站上使用。由適用法例所授予的一切權利，茲在此予以保留。除我們給予特許外，閣下不得以任何形式及方式，創立衍生作品、下載、翻印、複製，或節錄我們的故事內容放在其他網站圖利。
原來個女同事係入房畀文件老細簽，然後聽到老細部電腦出現咗把女聲用國語講～～～澳門首家線上賭場上線啦！
男同事聽完之後笑到癲咗，女同事就完全唔知發生緊咩事……坦白講，女仔唔知係好正常，不過大部分男人都知呢句說話嘅出處。
呢幾年照計唔會再聽到喇，因為呢間「澳門線上賭場」已經被破獲，當年台灣警方喺嘉義搵到個網絡賭博網站嘅機房，連帶拉咗個首腦，所以上咸網聽到呢個opening已成絕響，相信老細係重溫緊舊片，佢真係好「念舊」。
女同事唔知咩事，仲誤會老細係病態賭徒，office裡面啲男仔直頭笑到gap gap聲。
聽講老細係滾水淥腳將電腦嘅volume轉返冇聲，好在咋，畀女同事聽到告你性騷擾都有份呀！
而其實老細又冇對女同事作出任何騷擾行為嘅，只係佢有時做嘅嘢好失禮囉！我上個星期同老細出去見客，坐咗喺人哋個meeting room準備開始嗰陣，老細打開佢部notebook，一揭起就係咸網full screen，雖然冇聲，而且定緊格，不過都夠晒丟架啦！
唉，唔該你下次睇完就熄啦，做埋部notebook嘅wallpaper好唔好？
老細匆忙合返埋部notebook，冇㗎喇，呢種情況下只能夠扮冇事，好彩個客係男人，我又係男人，不過連同老細3個男人當時嘅氣氛仍然好尷尬。
老細：「不如用我電話睇，方便啲。」
點樣方便啲呀？電話咁細個mon，但係突發要作個藉口，算係咁㗎喇！
估唔到用電話一樣出事，老細撳著咗部電話之後開網頁，我同個客都見唔到佢開咗咩，不過今次就傳嚟好大聲嘅呻吟聲，唔使審都知你用完電話睇咸嘢啦，仲要auto run，跟住見到老細係咁撳電話側邊個volume掣，冇㗎喇，你又衰咗喇。
可能尷尬得滯，老細乾脆熄Q咗個電話，然後叫我：「你開個Excel表畀Ivan（客）睇吖！」
我：「個excel表得你有，我冇……」
嗰位叫Ivan嘅客好識做，佢話出去斟杯水畀我哋，擺明係行開下等我老細處理好。
老細趁Ivan行出去就開返部notebook，交叉返個咸網，正正經經開個excel出嚟，好在個客係nominate（指定）用我哋公司咋，否則佢頭先notebook電話雙響炮咁出醜，想開到張單都幾難！
我唔敢同老細傾呢個問題呀，仲唔夠尷尬咩，聽講有另一位同事都試過同佢去cafe見客，又係一坐低打開部腦就出現咸網畫面，但嗰次個客未到，只係嚇親我同事（男）仲有隔籬枱嘅鬼佬。
好坦白講，男人間唔中睇呢啲係正常嘅，老細就似乎成日睇喇，個人喜好唔評論啦，但可唔可以有少少手尾？睇完close返啲嘢啦！寧畀人知莫畀人見吖嘛！換轉個客係女人，或者係女同事，真係隨時惹官非，我係男性見到呢種情況都唔識畀反應啦！
同埋「澳門首家線上賭場上線啦！」單嘢揚咗之後，公司嗰幾個女同事都對老細好避忌，我就試過畀女同事嗌我留低陪OT，原因係當時office得返佢同老細，佢覺得好危險喎……
咁我最終都有陪嗰位女同事，將心比己，驚咗同老細獨處係正常嘅，換轉我女朋友嘅老細咸到呢種地步，我直頭會叫 女朋友辭職啦！
我記得睇過一啲報道，經常睇咸片除咗係病態之外，仲會引致腦萎縮，嗰篇報道係有論文支持，長此落去一係會變成縱慾過度，一係就有勃起功能障礙，我好想將呢啲資訊同老細講，不過諗諗下我都係打份工啫，無謂搞到好似教訓返老細轉頭啦！（完）
求職者係復仇大王 唔請佢就報東張西望｜投訴消防ICAC再報海關 見工如追債
https://youtu.be/xYvQVp5W1AU?si=pfeyQvuHFrJrt-e5