雖然我唔係專家，唔應該咁樣講，不過我真係認為老細有躁狂症，今日同佢出街見客嗰陣，佢企喺路中心指住個天，我以為有咩事，點知老細忽然講咗：「你個仆街太陽，我DLLM呀！淨係識曬曬曬搞鳩人，DLLM！」
嚴禁轉載聲明：本網站所存在的一切知識產權，屬於我們所有，或已合法地特許給我們在本網站上使用。由適用法例所授予的一切權利，茲在此予以保留。除我們給予特許外，閣下不得以任何形式及方式，創立衍生作品、下載、翻印、複製，或節錄我們的故事內容放在其他網站圖利。
我真係畀佢嚇親，你屌個太陽呀？
雖然老細唔係好大聲怒吼嗰隻，不過喺我哋身邊前前後後嘅路人都聽到。
其實老細平時都係咁，最失控嗰次係喺office撞到張枱，條友指住張枱鬧：「DLLM！撞鳩我，我聽日就丟L咗你！」然後佢起勢咁踢咗張枱幾下，又隨手拎起枱面個膠紙座係咁「亨」隻枱角，咩料呀？
同事有望佢，有啲都笑一下，大家好似見慣咁樣。
我自己入咗嚟呢間公司只係兩個月，我就唔慣喇，因為老細係好跳掣，同埋講親嘢都好激動，有次開會我親眼見到一幕，當時佢問緊另一位同事意見，個同事唔知係hea佢定真心，總之就答咗句：「我覺得ok喎，幾好呀！」
老細隨即發癲：「又ok？又好？次次問親你意見都話好，你唔好敷衍我喎，從來未聽過你話唔ok，鳩答㗎？」
個同事又好好EQ：「咁真係ok吖嘛，如果唔ok我一定話畀你知。」
我諗答唔ok應該仲大鑊……
我又聽過老細屌電單車，有次一齊出去食飯，馬路有架電單車經過，係嘈嘅，但老細反應的確太大：「DLLM最憎呢啲響喉L，嘭！（佢扮緊撞車聲）一陣去到前面佢就撞㗎喇，響喉L最好死全家！」
未完呀，沿路斷斷續續會有啲電單車經過，其實有啲冇響喉正正常常，但佢每見到一架電單車都會講一次DLLM，好癲呀！
屌枱屌電單車屌同事屌太陽，咁當然唔少得屌啲路人啦！
有時香港條街又真係好多人行行下停低或者突然調頭，我見過有條友就係喺佢前面停一停，再擰轉頭好似搵緊路，我老細兜口兜面同個唔識嘅路人講咗句：「做乜L嘢呀？驀然回首呀？屌！」
我都有擔心過佢會畀人打，佢自己一個嘅時候冇所謂呀，如果我喺側邊都唔知幫唔幫拖好？
可能你會認為佢屌響喉L同驀然回首路人係啱，但我仲見過佢向住搭電梯嘅人發脾氣。
我哋公司喺12樓，等電梯出去食飯時，部電梯上咗20樓先返落嚟，咁正常吖，成幢大廈得你一個咩，點估到老細等一陣都唔耐煩，係咁自言自語話：「DLLM咁高托柒咩！阻L住晒！」
你以為佢發洩完就算？唔係呀！當架電梯到達之後，佢一入去係睥晒成部電梯嘅人，仲要講咗句：「屌，嘥晒啲時間！」
做乜呀？人哋喺20樓，搭電梯有咩問題？不過老細係連2, 3樓嘅人都屌。
食完晏返上公司，遲咗一步所以部電梯上咗去，佢見到人上完2樓部電梯就返落嚟嗰陣又屌喇：「CLS 2樓都搭電梯，行啦死肥鬼！行少少路會死咩？」
我：「都見唔到佢，你點知佢係死肥鬼？」
老細：「2樓都搭電梯仲唔係死肥鬼？」
人哋office高你又屌，低你又屌，部電梯既然有2樓就係畀人撳畀人搭㗎啦，2樓唔搭得電梯咁不如唔好整2樓個掣。
不過老細屌得最多都係個太陽，我入嚟兩個月都見證過4至5次，有時好想同佢講唔好鬧個天，聽講係唔好，同埋你咁多嘢唔屌走去屌太陽？
有時返工都好驚無啦啦畀佢屌，希望佢身邊嘅人會提醒下啦，做人咁躁唔係一件好事，自己都傷身啦！(完)
太躁對自己同埋對其他人都唔好，放鬆啲啦！
商場客戶服務被鬧 抹完眼淚繼續做
https://hkofficedaily.com/?p=15034