女下屬個老公打畀我，劈頭就係一堆粗口：「DLLM呀！我老婆份糧係咪十萬九千七？你公司畀佢兩萬蚊一個月咋！晚晚要去應酬食飯？OnL79！畀埋條命你好冇？」
當時我唔知佢乜水，亦唔知佢老婆係邊個，理所當然就梗係問返轉頭：「邊個你老婆？」
人哋老公：「你咪L扮嘢啦！而家Elaine係咪喺你隔籬呀？你又諗住幾點先放佢呀？11點幾喇！DLLM你個老姑婆！心理變態㗎？悶就自己去搵男人啦！Elaine唔似你呀！佢有老公！有小朋友！冇你咁L空虛寂寞呀！」
嚟唔切畀反應，Elaine個老公已經cut咗我線，因為冇來電顯示，我唯有一肚火打畀Elaine，不過冇人聽。第二日返到公司，Elaine遞信辭職，我冇特別挽留，只係叫佢諗清楚，同埋加多句：「如果你真係唔做，麻煩同你老公講聲，我唔想無啦啦再畀人鬧。」
冇錯，我係老姑婆，40幾歲都未婚，而家亦冇拍拖，但從來冇叫過Elaine陪我應酬，因為公司根本唔需要應酬。
仲有，Elaine份糧扣埋MPF都有$37,000，唔係兩萬蚊……