我部門請人，因為人事部遲遲未約到candidate上嚟見，我阿姐已經有啲躁。
應該係為咗撲火，今日做做下嘢見到HR過嚟搵我阿姐解釋：「就過年冇人轉工呀，收返嚟啲CV冇個正常，一係hit唔中，一係就hit中都唔夠經驗，你睇下使唔使搵headhunt幫手啦！」
阿姐：「下下用headhunt咁要你哋人事部做咩？你畀啲人我見下先啦！」
HR當時拎住幾張紙，相信係CV，佢show咗一份畀我阿姐睇：「真係冇個正常哩，嗱！呢個勉強ok，不過要求人工太高，last salary得2萬8，而家嗌3萬幾，要咁多錢幫屋企人醫病咩！」
阿姐聽完著咗：「你講咩呀？呢啲嘢呢度講好喇，你唔好影響公司添呀！」
我都忍唔住擰轉頭同個HR講：「你都幾仆街㗎喎！」
其他同事雖然冇出聲，但眼神都好鄙視，然後個HR就尷尷尬尬咁話講笑，再自己飄走咗。
阿姐隨後走去同老細投訴HR，但唔知係投訴佢請唔到人吖，定係投訴佢份人冇口德。
Expected salary叫高啲就等於要幫屋企人醫病，呢句真係我有生以來聽過最惡毒嘅說話。