上星期有個朋友去見工，對方問：「你CV上面寫住自己有領導能力同埋組織能力，想問下有冇啲咩具體例子？」
我朋友答：「有呀，上年我領導班同事組織過幾次罷工。」
然後，佢見呢份工就冇然後喇。
朋友強調「沒有然後」唔係損失。
佢話一去到就見到reception個雜誌架全部係大公文匯，強烈feel到自己唔夾，而in佢個manager亦係國內人，講講下廣東話又會無啦啦夾雜兩句普通話，最經典係入房之後，對方望住佢講：「阿撚樣呀，介紹下自己先。」我朋友嚇一嚇，諗清楚先知係自己個英文名。
我朋友叫Alan Yeung。
👉 Follow IG@officedailyhk