由於張生私下問AV女優拎contact，店家打去凶Leon之餘，更要求賠償金100萬，張生雖然覺得100萬只係日圓好細數，照畀亦無妨，不過Leon嘅顧慮係預約時做咗member（日本即使風俗業都好興要人先做member），有晒個人資料喺店家手上，出事只會累咗自己。
嚴禁轉載聲明：本網站所存在的一切知識產權，屬於我們所有，或已合法地特許給我們在本網站上使用。由適用法例所授予的一切權利，茲在此予以保留。除我們給予特許外，閣下不得以任何形式及方式，創立衍生作品、下載、翻印、複製，或節錄我們的故事內容放在其他網站圖利。
最終Leon不斷打去道歉，店家鬧咗佢幾轉之後就算數，100萬賠償金冇要，只係Leon喺日本一直循規蹈矩，就算打工做兼職嗰陣亦未試過畀人咁惡去鬧，所以個心好唔舒服，張生闖禍，佢要做箭靶，仲要擔驚受怕有日本黑道上門。
意想不到嘅係，當Leon左思右想點樣同張生講唔做之際，張生竟然自發性提出加人工，搞笑，呢份工淨係打去預約風俗店，仲請埋Leon免費玩埋一份，咁都有得加人工！
張生：「我都知上次麻煩到你，但你真係幫咗我好多，個心願清單真係逐個逐個征服晒，下個月開始出15萬日圓畀你。」
作為一個留學簽嘅小朋友，如果可以梗係想多啲時間學好日文，Leon位於新小岩嘅蝸居只係5萬幾日圓租金，張生肯畀佢15萬日圓月薪，經濟上的確好幫到手，若然仲可以搵多份輕鬆嘅part time，以Leon唔係亂洗錢嘅生活模式，真係好足夠喇，唔少日本打工仔基本月薪都係23至25萬日圓呢啲中位數咋，講緊full time喎，而家陪玩都有15萬日圓，每星期出去兩日，仲想點呀？
睇錢份上，Leon最終都留低繼續做，只係真正嘅考驗而家先正式開始。
Leon：「張生，你今次畀我條預約link……50路60路專門店喎，點解呢？」
張生：「咩點解？我指明嗰個之前係AV女優嚟㗎！佢係我童年回憶，當年咸碟舖都未有，我細細個睇錄影帶㗎！嗰次仲要食帶，跟住老豆返嚟，我又整唔到，最後畀老豆打到我仆街，咪就係呢個女優之嘛，我點都要會一會佢真人。」
唔係呀張生，呢個唔係童年回憶嘅問題，係Leon都要喺呢間50路60路專門店做埋一份，張生一早講明唔鍾意單嫖獨賭，自己玩唔過癮，唔接受Leon帶完佢去之後喺出面等，真係要齊上齊落。
日本嘅風俗行業係十分獨特，分門別類井井有條，只有你諗唔到，唔會有嘢係佢哋冇，校服造型有一系列專門店，巨乳有一系列專門店，貧乳都有專門店，又有淨係「走後門」嘅專門店，甚至有大肚婆專門店，又有一啲畀你扮BB，個女人餵你飲奶同換尿布嘅專門店，就連痴漢列車都有得玩，間房係佈置到電車車廂咁樣。
如果你見識過日本有以上呢堆主題風俗店，就會發覺50路60路專門店相對嚟講已經算係正常。
張生有一番說話經常掛喺嘴邊：「日本真係好得意，平時個個都好有禮貌，好多嘢注重傳統，但同時有好多嘢離經叛道，你睇下啲AV系列，幾多亂倫片，仲有嗰啲咩未亡人片，雖然對住張遺照搞嘢都係劇情，不過你真係好難喺其他國家見到，佢哋嗰種變態係超乎你想像，可能日常生活太大壓抑。」
Leon係一個好熱愛日本文化嘅人，否則都唔會選擇嚟東京留學，所以佢其實唔鍾意聽到人講日本唔好，不過張生嘅言論佢真係駁唔到，鍾意還鍾意，變態就係變態。
一單還一單，受人二分四，老闆落order都係要照做，當佢哋去到50路60路專門店之後，張生預約嘅前AV女優已經準備好，而Leon就一如既往隨遇而安，去到風俗店先至揀，但係嗰次有少少意外，店家同Leon講，當時店裡面只有另一位60路嘅女士肯接外國人。
其實日本風俗店就算肯做外國人生意，都唔代表店裡面所有女性都接，例如一間店有10個女人，肯做外國人嘅可能只有4個，變相你選擇會少過日本人嚟玩。
Leon知道冇得避，但盡量都想揀個50路，年齡可以拉低幾多就幾多啦，可惜當場真係冇，只有一位60路等緊佢。
張生：「點呀Leon，頭先咩感覺呀？應該第一次試60路啦！人一世物一世，試下冇壞嘅，呢啲經驗好正！下星期同你去一間女王SM店，有個AV女優喺嗰度做呀！你幫我約，好刺激㗎！」
Leon：「女王……即係女嘅做S，男嘅做M？」
張生：「係咪未出發先興奮呢？到時女王會綁住你，用皮鞭『fit』你，呢啲體驗邊度搵呀！」
繼上次諗起《新宿事件》之後，Leon今次又諗起另一套電影，就係《低俗喜劇》，因為雷宇揚講過一句：「呢鑊冇得避㗎喇！」（完）