上星期公司in個求職者，對方著住裇衫西褲，但就配對人字拖嚟見工，唔係潮牌嗰種拖鞋，而係平時落街嗰種人字拖，佢係見一個IT嘅junior職位，好坦白講，甚有大灣區風味，我仲以為呢位仁兄係會同我講普通話。
嚴禁轉載聲明：本網站所存在的一切知識產權，屬於我們所有，或已合法地特許給我們在本網站上使用。由適用法例所授予的一切權利，茲在此予以保留。除我們給予特許外，閣下不得以任何形式及方式，創立衍生作品、下載、翻印、複製，或節錄我們的故事內容放在其他網站圖利。
本身我係唔知，所有嘢都係receptionist話我知：「喂，你個candidate著人字拖嚟見工咁搞笑嘅，而家跟咗HR入房。」
初時以為係咪潮人啦，你知拖鞋都分好多種㗎嘛，玩下手佢著visvim呢？咁就隨時一對鞋貴過我全身，所以我都想入埋房一齊in，即管睇下呢位求職者點襯，但其實就算佢著visvim都有問題㗎喇，見工呀大哥！
入到會議室之後個candidate係背對我，所以我都清楚見到係街坊人字拖，上身裇衫領帶西褲。
我照參與整個interview，平心而論中規中矩啦！佢走嘅時候我哋企起身握手，送佢出門口嘅時候我就問：「點解著拖鞋嚟見工嘅？」
求職者：「哈哈，因為今朝搵唔到對皮鞋，唔知屋企人擺咗喺邊度，我少著，同埋我屋企好近呢度，又趕住出門，所以貪方便，哈哈！」
送完佢走之後，我都未嚟得切出聲，HR反而話返我轉頭：「你做咩斟酌人哋著咩鞋啫？」
我咪同HR拗囉：「見工喎！街坊人字拖喎！你覺得冇問題？」
HR：「你請人睇能力㗎啫，睇佢著咩鞋㗎咩？如果有個人著皮鞋但做唔到嘢，有個就著人字拖不過做到嘢，咁你揀邊個吖！」
我：「我諗你有啲嘢誤會咗，我唔係一定要佢著皮鞋，講真我IT部嘅同事都係著波鞋返工，佢都可以西褲襯波鞋，冇問題㗎，但係人字拖喎！照你咁講只要睇能力就得，我哋成個office男嘅泳褲，女嘅著三點式返嚟都得啦！」
HR：「講到尾你都係睇唔起佢著人字拖啫！」
我：「唔係睇唔睇得起嘅問題，係尊重問題，你講到好似我唔尊重佢咁，而家係佢唔尊重我哋公司，佢唔尊重呢個見工嘅場合，不如咁吖，既然你講到自己咁高高在上咁有正義感，我問返你一句，你當日嚟呢度見工係咪著拖鞋？如果之後你有機會去interview又敢唔敢著人字拖？」
HR冇出聲，咁我補充多一句：「簡單啲，呢間公司你可以逐個同事問，邊一個當日嚟interview係著人字拖？」
HR：「唉，你鍾意啦，冇咩CV㗎喇，見完呢個，聽日得返一個，你係咪要再出job ad搵人吖！」
嘩，即係指責我唔揀個著人字拖嘅candidate呀？咁你未搵到都要再搵，都要再出job ad，都要再約㗎啦！我請人梗係睇部門需要，唔通就埋你點樣出稿請人呀？我出埋你份糧好唔好？
正當我想再同佢拗嘅時候，Receptionist加把嘴緩和氣氛：「我記得嗰陣我嚟見工，都唔係著得好正宗，但係對鞋都著咗魷魚鞋。」
我：「咁咪係囉，你都會揀對密頭吖，見工基本禮儀嚟㗎！」
最後我請咗另一位candidate，好坦白講，拖鞋嗰位係有少少主觀因素，但整體而言的確係另一位candidate好啲，只係我唔明公司個HR諗緊乜，係咪下下企喺道德高地就威啲？拖鞋見工都照撐？仲講到大義凜然好似我睇唔起人咁， 佢嘅正義感會唔會太泛濫呀？
其實好多公司嘅員工都會返到office換拖鞋，好正常，但唔係話踢住對拖就咁返嚟，更何況你係interview，假如你見嗰份工係救生員就話啫，呢啲例子同埋邏輯唔使講得咁白啩！(完）
【移居日本】開箱3LDK東京之家🏡 香港人日本生活🇯🇵 附羽田空港交通✈️｜外國人開銀行戶口💰｜日本坐巴士🚌｜My Sweet Home Tour 💕
