一開始Zoom Interview果陣好高興，傾得好地地嘅，話自己啲project億億聲，又show哂啲demo片比我睇，咁就覺得自己都好大機會啦，結果真係話有second in，之後話請我啦，咁拿拿推左2個offer, 結果入到去先發覺我係直升機(伏伏伏伏伏。。。) 首先唔好幻想間公司好似好大咁，實質其實得我同個19老細2個人 1) 個老闆成日話自己淺水浸蛟龍，話自己係三叔出黎嘅top technical，因為不甘打工所以賣左幾層樓黎搞間公司，老婆都就黎同佢離婚 (其實我唔需要知呢啲，你準時出糧比我就好) 2) 一開始我係in personal assistant, 之後話想train up我做core member，印卡片唔好睇，所以contract寫左係office manager, 結果做埋marketing果份，要做BP，做唔好又比佢屌，話呢樣唔得果樣唔啱要做過，叫佢請個marketing, 佢話冇錢請所以要辛苦我一排 3) 間公司有好多人頭 (知嘅就知)，但有幾個月冇供MPF, 所以叫我計返哂所有人嘅總數同lumsum比佢，計完之後總數大概13萬，比佢話我唔夠醒目，佢話: 反正都係人頭，點解唔每個人都寫少一半人工？咁我就可以交少一半 我心諗: WTF? (你犯法唔好拖我落水好冇?) 其實就冇話唔得嘅，不過就係唔想幫佢寫少一半咁囉，所以就大佢話: 份野你簽左名嘅，你想點寫咪點寫囉，到時比人查起上黎會麻煩啲咁解，但由於佢唔想有咩事上身，所以死死地氣比果13萬 4) 成日覺得自己係大佬，同其他公司JV，未問過人哋公司嘅老闆，就隨便用人哋嘅員工，仲要極度唔客氣，佢要嘅嘢人哋要即刻比到佢，但係前提冇任何預兆，絕對係一個憑實力失敗嘅人 5) 話就話自己啲project全部億億聲，但係其實全部都仲係傾緊嘅階段，冇一單億億聲嘅project係close咗，然後覺得啲project全部都好private，要求我入咗Office之後要同外界斷絕聯絡，仲叫我唔好同partner公司有咁多contact 簡單啲來講，呢間公司絕對係一間伏都唔伏嘅公司，不論係管理定係行政方面都係亂到不行，離左職更加發現佢原來一路都冇幫我供MPF，已經準備採取下一步行動