溝咗同事寶貝女 風流往事點面對

「嗱,我警告你呀,好同我個女分手喇,如果唔係我就話畀佢聽你去叫雞,你都唔想我行到呢步吖!不如等佢對你留返個好印象,大家好嚟好去,今日講清楚先好走!」平時嘻皮笑臉嘅威叔突然喺office發惡鬧阿Ben,嚇到其他同事都唔敢出聲。

嚴禁轉載聲明:本網站所存在的一切知識產權,屬於我們所有,或已合法地特許給我們在本網站上使用。由適用法例所授予的一切權利,茲在此予以保留。除我們給予特許外,閣下不得以任何形式及方式,創立衍生作品、下載、翻印、複製,或節錄我們的故事內容放在其他網站圖利。

我應該係最有資格出聲嗰個,唔係因為我職位高,而係……

我:「呀,威叔,叫雞呢啲嘢唔好咁大聲好冇?」

威叔:「我怕咩呀?你都有份去,咁你講句公道說話,阿Ben係咪雞蟲?」

屌!威叔失晒理智,擺埋我上枱,公司好多女同事㗎,而家人人睇住,畀下面好唔好?

未等我接落去,阿Ben已經反擊:「我同你個女拍拖,係我同佢之間嘅事,你有咩資格迫我哋分手呀?」

威叔:「我冇資格?嗰個係我嘅寶貝女呀!我唔會畀佢同隻雞蟲一齊,一句到尾,唔分手,我就話畀佢知你係雞蟲!我就話畀佢知你前幾日先去完鳳鳴大廈!」

倒一倒帶先,究竟阿Ben點解會溝咗威叔個女呢?

首先,威叔雖然大過我同埋阿Ben好多,真係生得出我哋咁滯,但係我哋3個喺公司不嬲都好friend,因為大家有個共同敵人,就係一個好賤嘅,你知啦,當同事之間都好憎個上司,咁其實就好容易friend好容易有共鳴,平時講句嘢都同仇敵氣。

咪睇威叔年紀做得我同阿Ben老豆,佢份人其實好玩得(今次未發癲之前),雖然都有嗰種老人家嘅通病---想當年!不過有時聽下佢講後生嘅荒唐嘢都幾搞笑嘅,當中幾多係真,幾多係假,坦白講唔重要啦,返工咁悶當係調劑㗎啫!

威叔話自己後生好多女人,結咗婚之後先修心養性,不過佢所謂嘅修心養性只係唔溝女,叫雞就會繼續,威叔嘅名句係:「又要食飯,又要出街,使咁多錢都係想上床啫,而家老咗唔搞咁多花臣喇,直接畀錢上床,最緊要係咩呀?留精不留情,冇手尾跟吖嘛!」

半年前威叔個女開糖水舖,阿Ben嘅親細佬又做地產,所以威叔就叫阿Ben幫手睇下有冇靚舖,順便約佢細佬出嚟,講解下揀舖同埋裝修等等問題有咩細節要注意,就係咁,阿Ben就喺食飯傾嘢嘅時候識咗威叔個寶貝女喇。

半年過後,糖水舖就開唔成,因為搵極都搵唔到啱心水又價錢適合嘅舖位,但係過程當中阿Ben就同威叔個女漸生情愫,暗暗撻著,生意就做唔成喇,反而締結咗一段姻緣,愛情呢啲嘢果然係好難預計。

其實阿Ben都係上星期先話我知佢同威叔個女拍拖,因為平時威叔對我哋好好,天南地北乜都講,又帶我同阿Ben去威呢!所以我都估唔到威叔今次咁大反應,諗諗下又係嘅,雖然每個男人都可能叫過雞,不過呢啲嘢寧畀人知莫畀人見,眼不見就為乾淨㗎啦,威叔知道阿Ben有叫雞,你而家又同人哋個女一齊……咁又有啲怪嘅。

但係呢……好多間邪骨都係威叔帶我同阿Ben去㗎喎!仲有早排《東張西望》踢爆嗰啲工廈私竇,唔係威叔介紹,我哋鬼知咩,所以威叔好憎《東張西望》。

阿Ben:「你咪同個女講囉!我都一定同佢講,佢老豆一樣係雞蟲,鳳鳴大廈吖嘛,嗰日係你話想去㗎!費事你單嫖獨賭先陪你咋!」

威叔:「你而家威脅我呀?」

阿Ben:「好似係你威脅我先喎!」

威叔:「總之你精精地就同我個女分手,唔係我就同我個女講你哋前幾日去完鳳鳴大廈叫雞!」

我:「喂,唔好再我哋我哋啦!我無辜㗎!我又冇溝你個女!唔好喺office講呢啲嘢啦!」

威叔:「你做證囉咩呀!一陣我個女唔信,你同我做證人!」

阿Ben:「啱呀,多啲人做證,我都想睇下你老婆同個女知你叫雞會有咩反應!」

由於當時已經過晒6點,我默默地孭袋鬆人,太瘀唔想留喺office,同埋我都嬲嬲地威叔,之後我冇理亦都冇再問佢哋嘈咗幾耐,亦唔知阿Ben同威叔個女而家搞成點。

足足一個星期,威叔冇再同我同埋阿Ben講嘢,而家我哋嘅關係好僵,我真係唔知道呢份工點做落去,發現到有啲女同事開始避我,receptionist望我嘅眼神好奇怪,不過就多咗男同事同我傾計,大部分都係問我鳳鳴大廈啲女咩質素。

呢件事我汲取咗一個教訓,就係幾啱key都好,千祈唔好同同事一齊風花雪月,因為大家嘅關係如果有變,好容易全公司都知道你去過叫雞,終於明白點解啲人話同事唔可以做friend,睇嚟我都係時候搵下工,轉換下工作環境。

喺公司溝女都係危險㗎喇!
秘書似瘦版陳瀅 男友背景仲好勁:人哋買起你公司都仲得
https://hkofficedaily.com/?p=18348

error: